Matod niya nga si Basalo nahinanok sa pagkatulog uban sa asawa nga si Charito Alquisola, samtang ang 14 anyos nga batang babaye nga anak sa kapuyo niini natulog sa ikaduhang andana sa balay.
Nakamata si Basalo dihang dunay wala mailhing tawo nga nanangpit kaniya.
Nibangon siya ug niabli sa pultahan sa balay, dihang girakrakan siya.
Nakadagan pa siya og pipila ka metros paingon sa balay sa iyang silingan apan nahagba.
Nagtuo ang kapulisan nga gituyukan sa mga mamumuno ang balay ni Basalo dayon girapido sa unom ka mga lalaki ginamit ang M-16 armalite rifle, 9mm pistol ug .45 caliber pistol base sa nakuhang mga kabhang sa mga bala sa crime scene.
“Girakrakan gyud siya sa mga suspek nga nagtuyok sa balay kay makita man nga dunay unom ka kahoy sa likod nga dunay daghang tapok sa kabhang nga bala. Duna sab sa atubangan sa may sala,†dugang ni Laurel.
Ang mga silingan nakamata, buot untang motabang sa biktima ug niduol unta apan girakrakan usab sila.
Human namiya ang mga mamumuno, ang kapuyo ug anak niini nga mga silingan nanggawas ug ilang gitabang ang biktima dayon gidala sa South General Hospital sa dakbayan sa Naga, apan gideklarar sa mga doctor nga dead-on-arrival.
Ang kapulisan nakakuha sa crime scene sa 34 ka mga kabhang sa bala sa M-16 rifle, siyam ka mga kabhang sa bala sa 9mm pistol, usa ka bala sa 9mm pistol, usa ka kabhang sa kalibre .45 nga pistola ug duha ka mga bala niini.
Linkback:
https://tubagbohol.mikeligalig.com/index.php?topic=78284.0
