Ni Joseph Elvir C. Tubilan
Monday, August 1, 2011
GIPASANGINLANG nanglugos og 13 anyos nga lalake ang duha ka mga bayut human nireklamo ang mga ginikanan nga nasira ang ilang anak.
Kini giingong nahitabo sa makadaghang mga higayon sa miaging tuig sa Brgy. Pasil, dakbayan sa Sugbo.
Nisugot ang biktima nga makighilawas siya sa duha kay ang kwarta nga gihatag kaniya maoy iyang ibayad sa pagduwa niyag computer games.
Dihang nasira ang bata, nipasaka ang mga ginikanan og reklamo batok sa duha ka mga bayut ngadto sa kapulisan nga niresulta sa pagduso sa reklamo sa Cebu City Prosecutor’s Office.
Ang usa ka suspek nagpangedarog 53 anyos samtang ang ikaduha 36 anyos.
Nirekomendar ang piskaliya nga di kasong pagpanglugos ang atubangon sa duha ka mga suspek, kon di kalapasan sa Republic Act (RA) 7610 kun Special Protection of Children against Child Abuse.
Mamahimong kasamtangang makalingkawas ang duha kay sila gitugtang makapiyansa og P80,000 matag usa.
Nisaysay ang biktima nga usa ka higayon sa miaging tuig, dihang niagi siya sa parlor sa duha, gihaylo siyang hatagan og kwarta bugti sa panaghilawas nila ug nisugot siya.
Iyang gidawat ang salapi kay gamiton niya sa pagduwa og computer.
Human sa unang suspek nga nigamit kaniya, ang laing bayut nihaylo usab kaniya og lain na usab nga kantidad aron maghilawas sila.
Gidawat niya ang haylo aron madugangan ang iyang salapi alang sa pagduwa sa computer.
Ang 36 anyos nga suspek duha ka higayon nga nihilabot sa biktima diin gihatagan siya og P40 matag human sa ilang pakighilawas.
Nahitabo kini niadtong Mayo 28, 2010 ug Hunyo 10, 2010 diin nibutyag ang biktima nga gipasud siya niini sa pansayan unya gi-oral sex siya dayon gi-anal sex usab.
Niadtong Hunyo 3, 2010, ang 53 anyos nga suspek mao na say nihilabot sa biktima diin gi-oral sex siya niini.
Apan, ang duha ka mga suspek nagdungan sa paghilabot sa 13 anyos nga lalake niadtong Hunyo 24, 2010.
Ang 53 anyos maoy unang nihilabot kaniya ug nisunod ang 36 anyos nga suspek.
Ang insidente niresulta sa pagkasira sa biktima diin sakitan na siya mangihi kay nagnana ug nagdugo ang iyang kinatawo.
Gihimakak sa duha ang pasangil sa biktima. Namahayag silang boluntaryo ang gihimo nila uban sa biktma.
Nitataw silang wa silay kalabutan sa pagkasira sa biktima kay wa man mahitabo ang pagpanglugos niadtong Hunyo 24, 2010.
Gipatik sa mantalaang SuperBalita Cebu Agosto 02, 2011. Linkback:
https://tubagbohol.mikeligalig.com/index.php?topic=42687.0
