Ni LUIS E. JUMUAD
DUMAGUETE CITY - Usa ka 22 anyos nga inahan ang nagtingkagol na karon sa bilanggoan sa buhatan sa kapulisan sa lungsod sa Siaton human kini miunay og patay sa iyang dos anyos nga anak babaye niadtong miaging adlaw.
Ang nasikop usa ka Josephine Arcala, 22, usa ka single mother ug mulopyo sa Barangay Hiligaon sa naasoyng lungsod.
Si Arcala gisikop sa kapulisan mga alas 9:00 sa gabii niadtong miaging adlaw dihang nahibaw-an nga mao kini ang nakaingon sa pagkamatay sa dos anyos nga anak babaye niini.
Sumala sa taho sa kapulisan nga mga alas 9:00 sa gabii nakadawat silag taho gikan sa Siaton District Hospital nga dunay usa ka bata nga dos anyos nga gidala sa inahan.
Matod pa nga ang bata gideklarar nga patay nang miabot sa tambalanan tungod sa mga bun-og namatud-an nga ang inahang nga midala sa bata mao ra usab ang suspek.
Si PO3 Ma. Admiravilla Repollo Kinilitan sa WCPD sa Siaton PNP nga nahinabi sa mga tigbalita nagkanayon nga suspek nga inahan iyang nahinabi ug giangkon ang salaod.
Matod sa inahan nga sa wa pa niya dad-a ang iyang anak sa tambaÂlaÂnan iyang gibun-og pinaagi sa pagbunal og silhig ug gisampalong ug gani ginudnod pa ang ulo niini sa sawog.
Nianang alas 6:00 sa gabii, ang inahan nakamatikod nga ang iyang anak kanunay lang nagpiyong ang mata niini maoy hinungdan nga iyang gipugos pagpabuka sa iyang mga mata.
Sa iyang pagtuo nga gipiskat lang kini apan wa kini mibuka sa iyang mga mata ang bata ug maoy hinungdan nga nasuko na usab kini ug ang suspek nga inahan midagmal na usab kini.
Tungod sa pagdagmal pag-usab sa inahan ngadto sa iyang dos anyos nga bata nawad-an kini sa iyang panimuot.
Gidala sa Siaton District Hospital ang bata apan giÂdeklarar kining patay nang miabot sa tambalan. Diha-diha daling gisikop ang suspek ug tukmang kaso na ang gipahamtang batok sa inahan.
Gipatik sa mantalaang SuperBalita Cebu Agosto 01, 2015.
Linkback:
https://tubagbohol.mikeligalig.com/index.php?topic=80654.0
