by Rey Anthony Chiu
Ang pangamhanang lokal sa Trinidad milusad sa programang “Basura Mong prutas at Gulay, Kalusugan at Buhay Ko,†niadtong Pebrero 8 pinaagi sa usa ka yano nga programa.
Si Trinidad mayor Roberto Cajes nagkanayon nga ang programa gilantaw nga makasulbad sa malnutrisyon, magpakunhod sa basura ug mag-ahat sa mga katawhan nga maningkamot alang sa ilang kabulahanan.
Butyag pa ni Jojielyn Ruiz-Buendia, information officer sa lungsod nga bisan pa kon ang Tirinidad dili maoy labing alaut nga lungsod sa Bohol kon hisgutan ang nutrisyon gitumbok ni Mayor Cajes, kinsa mao usay tsirman sa Municipal Nutrition Council, “nga ang kaugalingong pagpaningkamot ug dili ang hatag sa kagamhanan maoy malungtarong solusyon gawas sa malnutrisyon.â€
Ang programa nag-aghat sa mga manindahay ug utanon ug prutas sa merkado sa pagtipig sa ilang mga lata nga prutas ug utanon aron ang liso niini makuha ug andamon aron ika-sabod.
Uban sa Trinidad vegetable ug fruit vendors association, ang lungsod magbutang og lain nga sudlanan sa basura sa merkado, ug kini gitagana lamang alang sa dunot nga prutas ug utanon nga dina mahalin ug ilabay na lang unta, pasabot ni Buendia.
Segun sa nasabutan ang buhatan sa Municipal Agriculture maoy mohipos sa maong basura ug ang liso nga makuha dinhi, ipaagi sa pagproseso aron maseguro nga magamit igtatanom.
Ang liso nga igtatanum, ipang-apod-apod nga libre alang sa mga banay nga may suliran sa malnutrisyon ug sa mga banay nga naa sa kakabus apan may interes nga mananum alang sa ilang kabuhi-an, pasabot sa mayor subay sa sugid sa information officer sa lungsod.
Kining inisyatiba sa pagtigum og liso, matud usab ni Dr. Analita Auza, usa ka paagi nga maaghat ang mga banay sa pagbalik sa pagpananum aron may madulngan sa panahon nga manginahanglan na sa sud-anon.
Gawas pa niini, masaligon si Mayor Cajes nga gawas sa makabaligya na ang mga kabus ug kapun-an ang ilang kita, ang halangdung buhat makatabang ka gani sa pagpahiuli sa kalikopan nga apektado na sa pag-abuso, taho ni Buendia.
Gawas sa programa sa nutrisyon, ang Trinidad nailhan na usab nga usa sa mga nag-unang hi-tceh nga munisipyo sa Bohol.
Napabag-o ni Mayor Cajes ang munisipyo ug gihimo kini nga usa na ka modernong electronic-business center diin ang halos tanang serbisyo nakutay na sa computer.
Linkback:
https://tubagbohol.mikeligalig.com/index.php?topic=47162.0