By RMN Gensan
Kapitan sa Calumpang miangkon nga kanhi nagsurender ang ulahing biktima sa pagpamusil sa ilang barangay
General Santos City--Aminado karon ang 14 anyos nga anak ni Joey Salado taga Santa Cruz, Brgy. Calumpang, kinsa biktima sa pagpamusil niadtong nakalabayng adlaw nga barkadista ang iyang amahan apan wala matud pa siyay nasayran nga kalaban niini.
Sumala sa anak nga wala man nakasulti kaniya ang iyang amahan kung duna kini nakabingkil sa iyang mga kaubanan og sa iyang panginabuhian isip traysikad drayber.
Aminado ang anak nga kanhi nag-surface sa barangay ang biktima niadtong panahon sa tokhang diin gipanawagan ang mga nahilambigit sa iligal nga droga nga musurender sa barangay.
Samtang gikumpirma usab ni Barangay Calumpang Kapitan Ryan Dupalco nga kanhi niyang CVO si Salado niadtong panahon nga sya pa ang chairman sa Purok Santa Cruz , Calumpang.
Giangkon usab sa Kapitan nga nagsurender sa Barangay kanhi ang biktima human naapil sa listahan sa mga nahilambigit sa iligal nga droga.
Dili lang hinuon maseguro ni Kapitan Dupalco kung droga ba ang motibo sa pagpusil-patay sa biktima o basin duna pay laing hinungdan niini.
Gikumpirma hinuon sa Kapitan nga wala makapailawom sa CBRP si Salado human kining nag-surface sa barangay.
Kahibaluan nga traysikad drayber ang panginabuhian sa biktima, adunay duha ka anak og OFW ang asawa niini.
Bisan si Station 5 Commander Police Major Richard Ibanez, dili pa makatumbok sa karon sa motibo sa pagpatay sa mga suspek sa biktimang si Salado.
Matud niini nga nagpadayon pa ang imbestigasyon sa iyang mga sakop aron masayran ang motibo og ang mga mihimo sa krimen.
Kahinumduman gipusil ang biktima sa duha ka mga suspek nga sakay sa motorsiklo.(JB)
*WORK from HOME and START your own Wordpress blog, business or personal website, or online store at
www.dreamhost.com3 Sites Will Make Your Life Easier During Covid Pandemic
www.nordvpn.com - Browse the Internet fast and anonymously and without trace
www.kaspersky.com - Download Kaspersky anti-virus to protect your smartphones and laptops
www.microsoft.com - Use Microsoft office and school tools with 1TB cloud storage for your files
rss feedsLinkback:
https://tubagbohol.mikeligalig.com/index.php?topic=114992.0
Topic: Barangay Captain of Calumpang Speaks (Read 451 times)