SuperBalita Cebu
Ni Guam P. Logroño
Wednesday, September 4, 2013
BARANGAY kapitan nipasangil nga nagisi ang iyang ngabil human siya sukmaga sa bise mayor sa lungsod sa Dumanjug, Sugbo niadtong Sabado sa hapon sulod sa police station sa lungsod.
Si Candabong Captain Placido Mayonila, 44, minyo, nipasangil kang Dumanjug Vice Mayor Guntrano “Gun-Gun†Gica, taga Barangay Sima, nga maoy nisukmag kaniya.
Si PO3 Dionesio Tagopa, imbestigador sa Dumanjug Police nga nahinabi sa dySS Super Radyo ug Sun.Star Superbalita, nagkanayon nga fiesta sa Barangay Candabong niadtong Sabado dihang nagkatagbo sila si Mayonila ug Gica sa gawas sa tigbakayan.
Ang kapitan mipa-blotter alas 4:05 sa hapon sa samang adlaw tungod sa giingong paghapak sa bise-mayor sa iyang abaga nga kusog kaayo makatulo ka mga higayon.
Matod ni Tagopa nga samtang si PO1 Nestor Villanueva, desk officer, nag-blotter kalit lang nagkarambola sila si Gica ug Mayonila.
Nagkaharongay ang duha apan nadali sa pag-uwang ni PO3 Ferdinand Emperial ang duha hinungdan nga wa magkasinukmagay.
Apan si Mayonila nipasangil nga gikalitan lang siya sa pagsukmag ni Gica hinungdan sa pagkagisi sa iyang ngabil.
Linkback:
https://tubagbohol.mikeligalig.com/index.php?topic=75232.0
