SuperBalita Cebu
Ni Flor V. Querubin
Saturday, September 28, 2013
NINGITNGIT ang panan-aw sa bana samtang nagsud-ong sa iyang asawa nga adunay laing lalaki nga gikabayle niadtong miaging gabii nga niresulta sa pagpamusil kagahapon sa kaadlawon.
Ang duha gikatahong pulos nagdala sa ilang mga “kabit†dihang nagkaabot sa baylehan.
Ang biktima nga si Gilda (di tinuod niyang ngan), 23, way pangita, buwag sa bana, taga-Sityo Buyong, Brgy. Marigondon, Lapu-Lapu City, samdan sa paa.
Samtang ang suspek nga bana ra usab sa biktima giilang mao si Eddie (di tinuod niyang ngan), 44, empleyado sa usa ka dive shop, nanimuyo na sa Sityo Kalinga, barangay Soong-Mactan.
Base sa nahipos nga kasayuran sa Homicide Section sa Lapu-Lapu City Police Office nga nakaadlawnan ang biktima sa diskohan sa Sityo Buyong.
Nagkaabot sila sa iyang bana uban sa live-in partner niini nga namayle usab.
“Both parties nagdala sa ilang kaugalingong partner,†saysay ni PInsp. Zenaido Pastorfide sa dihang nahinabi sa Sun.Star Superbalita.
Sigun sa asoy ni Ilda sa mga imbestigador nga iyang namatikdan nga nagpunay og tutok ang iyang bana kaniya sa dihang nag-disco sa gipahigayong diskoral sa maong dapit.
Nipauli sa balay ang biktima nianang pagka-alas 2 kagahapon sa kadlawon.
Samtang siya nagbaktas, giatangan siya ni Edie ug nahitabo ang komprontase tali sa managtiayong.
“Ako lang pangagpas gituktok tingali sa bana sa armas (ang biktima) ug wala siyay intensiyon sa pagpusil niini,†matod ni Pastorfide.
Nahitabo ang lamok-lamok sa duruha sa dihang nisukol ang asawa sa nagyawyaw nga bana ug nibuto ang armas nga gibitbit sa suspek.
Naigo si Ilda sa iyang tuo nga paa samtang mikaratil pagdagan ang bana human sa hitabo.
Gidali sa pagdala sa Lapu-Lapu City Hospital ang biktima apan gibalhin sa Vicente Sotto Memorial MeÂdical Center (VSMMC).
Samtang wa pa madakpi sa kapulisan ang suspek.
Linkback:
https://tubagbohol.mikeligalig.com/index.php?topic=75801.0
