MikeLigalig.com

NAGPATALA ang usa ka bana human kulataha sa asawa ug sa bag-o niini nga kaipon niadtong milabay nga gabii sa Gusa ning dakbayan sa Cagayan de Oro.

Ang nagpatala naila nga mao si Nelson (bansagon gitago), 42, minyo ug lumulupyo sa Crossing Libona, Bukidnon samtang ang asawa naila nga si Sarah (bansagon gitago),38 samtang ang kaipon niini naila nga si Benjie, nanimuyo sa P-2, Patpat Salimbalan, Baungon, Bukidnon.

Sa nahipos nga impormasiyon gikan sa Police Station 3 (PS3) sa Agora diin nagpatala ang biktima giingong gitabangan siya og kulata sa duha diin gibati kini og kaulawon ug nakaangkon pa kini og bun-og sa kalawasan.

Giingong giguba pa niini ang bumper sa gimanehong Toyota Grandia ug dili pa igo gikuha pa ang ignition key sa maong sakyanan lakip na ang  wallet nga adunay sulod nga P8 mil lakip na ang driver’s license niini.

Sa pagsulat niini na balita ang maong insidente ang nakatala na sa buhatan sa kapolisan sa PS3. (KCS)


Gipatik sa mantalaang Superbalita Cagayan de Oro Abril 13, 2016.

Tagam...