source: Banat News
Maayong pagkaugdaw sa usa ka panimalay ug diriyot masugbang buhi ang usa ka lalaki human giingong gidauban sa kapuyo niini ang ilang gipuy-ang payag human sila maglalis alas-5 na sa kaadlawon sa miaging adlaw diha sa barangay Maglantang lungsod sa Tabogon.
Ang midaob sa balay mao si Dionela Suncados, 55, samtang ang kapuyo nga iyang gikabangi mao si Marcelo Guliman.
Sa pakighinabi sa Banat News ni PO3 Jesus Suan, misaysay kini nga nianang pagkagabii si Guliman nagyawyaw human dugay kaayong nakauli sa
panimalay ang iyang kapuyo nga si Suncados.
Sa diha nga nahinanok na og katulog si Guliman mao nalang ang iyang namatikdan ang ka-init nga iyang gibati sa lawas ug ang yawyaw ni Suncados nga iyang nadunggan gikan sa
gawas.
Nakurat nalang siya nga nagdilaab na ang ilang balay nga ginama sa gilala nga lukay sa lubi ug kawayan hinungdan nga mibalikwas kini og midagan paggawas ug nangayo og tabang sa mga
silingan.
Linkback:
https://tubagbohol.mikeligalig.com/index.php?topic=48243.0
