PATAY ang usa ka buntis nga babaye nga gipusil sa iyang nagselos nga bana sa alas 4:00 sa hapon niadtong Dominggo didto sa Talakag, Bukidnon.
Giila ang biktima nga si Jayjay Talantao, hingkod ang panuigon samtang ang suspek mao si Randy Talatao nga pulos molupyo sa maong dapit.
Matud ni Police Inspector Adolfo Mercado, hepe sa Talakag Municipal Police Station nga nagkalalis ang magtiayon nga nagresulta sa pagpamusil gamit ang kalibre .45 nga pistola.
Naka-angkon og tulo ka samad pinusilan sa iyang dughan ang biktima hinungdan sa kamatayon niini.
Dali sab nga misibat ang suspek sa diha nga iyang nakit-an nga naligo na sa iyang kaugalingong dugo ang biktima apan nadakpan sab siya atol sa paglutos sa kapulisan.
Migawas sab sa taho nga selos ang hinungdan sa maong insidente sa diha nga nahibaluan sa bana nga dunay ka textmate si misis nga ila ra sab nga silingan. - Sun Star Davao
Linkback:
https://tubagbohol.mikeligalig.com/index.php?topic=35488.0
