ASAWA nga nagtuo nga ang iyang bana nagbinuang lang dihang gipahibawo siya niini nga magminyo sa Japan, apan nasurprisa na lang siya dihang nakita niya ang status sa Facebook account niini nganaminyo na sa laing babaye.
Ang ilang duha ka mga anak nga nakakita sa Facebook sa ilang amahan nga giusab ang status ngadto sa “in a relationship†gikan sa “marriedâ€.
Dihang gipangutana sa mga bata ang ilang amahan kon unsa kini ka tinuod dihang dihang sila nag-chat, gikompirmar kini kanila ug di na siya mopauli sa ilang balay.
Niini, ang asawa nipasaka og kasong Anti-Violence against Women and their Children diin nirekomendar ang Talisay City Prosecutor’s Office nga ipasaka kini sa korte.
Ang bana gitugtang makapiyansa og P40,000.Nisaysay si Johara (tinuod nga ngalan gipugngan) nga naminyo siya sa iyang bana niadtong 1996 diin may duha sila ka mga anak.
Sa sinugdan, malipayon ang ilang pamilya apan niaslom kini dihang nitrabaho ang iyang bana sa Japan mga tulo ka tuig na ang nakalabay.
Matod niya nga ang iyang bana nitawag kaniya niadtong Enero ning tuiga nga nagpahibawo kaniya nga may gikarelasyon siyang laing babaye sa Japan.
Niini, gikonsiderar niyang binuang lang kini sa iyang bana apan nagka-chat sila sa Facebook ug gipahibawo siya niini sa iyang tinguha nga magpakasal.
Nipasabot ang iyang bana kaniya nga kini temporaryo lang ug peke nga gitumong aron makapadayon siyag trabaho sa Japan alang sa kaugmaon sa ilang duha ka mga anak.
Wa siya mosugot sa gusto sa iyang bana hinungdan nga pwerteng sukoa sa iyang bana kaniya.
Subay niini, wa na siya moabli sa iyang Facebook account aron di sila magkaaway sa iyang bana apan dihang gibuksan niya kini niadtong Pebrero, nasurprisa na lang siya nga giingnan siya niini ngamagpadala siyag “annulment papersâ€.
Ang ilang duha ka mga anak nasurprisa usab kay nausab na man ang status sa ilang amahan gikan sa pagkaminyo may gikarelasyon naman kini.
Dihang gika-chat sa mga bata ang ilang amahan giingnan sila niini nga ang iyang gibuhat alang sa ilang kaugmaon ug gipahibawo sila nga naminyo na siyag lain ug di na mopauli sa ilang balay.
Ilang nasuta nga niadtong Enero ning tuiga nagpakasal na ang ilang amahan.
Human niadto, nagkalisod na ang ilang pagpuyo kay niadtong Mayo gihunong na ang suporta alang sa iyang pamilya lakip na sa duha ka mga bata.
Wa na usab mokontak ang bana kanila.
Ang piskaliya nipadalag supena sa bana apan wa kini tubaga hinungdan nga giresolba ning kaso ug girekomendar nga ipaska sa korte.
Linkback:
https://tubagbohol.mikeligalig.com/index.php?topic=57661.0
