SuperBalita Davao
Ni Edgardo Fuerzas
Tuesday, June 11, 2013
WALO ka bayut sa Cotabato City ang positibo sa Human Immuno Virus (HIV). Kini ang gipahibalo ni Dr. Marlowe Niñal, nangulo sa City Health Office sa siyudad sa Cotabato.
Matud ni Niñal nga gikompirma mismo kini ni Alma Lusanta Mondragon, Executive Director sa Alliance Against AIDS in Mindanao (Alagad-Mindanao) Inc. nga nakabase sa siyudad sa Davao nga maoy naghiling sa panglawas sa walo ka mga bayut.
Kasagaran kanila nagpangedaron 20 hangtud 30 anyos nga pulos molupyo sa Cotabato City.
Tungod niini, nagpasidaan si Niñal sa publiko nga likayan ang sexual contacts sa walo ka bayut gumikan aktibo pa sila sa pakighilawas ug kasagaran sa ilang mga biktima mga kabataan nga ilang gibayaran sa ubos nga kantidad.
Nagdumili si Niñal nga hinganlan ang walo ka bayut alang sa equal protection of privacy ug ilang tawhanong katungod.
Sa kasamtangan, mihimo na og konkretong lakang ang mga lokal opisyal kon unsaon nga mapungan ang pagkuyanap sa maong sakit.
Linkback:
https://tubagbohol.mikeligalig.com/index.php?topic=73344.0
