Si Cebu City Police Office Homicide Section chief Jul Muhammed Jamiri namahayag sa Sun.Star Cebu nga human sa ilang imbestigasyon, ilang nadakpan si Soria nga nipuyo sa kabanay sa iyang inahan.
“Pagkakita ni Soria namo nga gadulong na mi, nisuway ni siya pagdagan, pero amo mang nagukdan,†matod ni Jamiri sa Sun.Star Cebu.
Siya niingon nga si Soria niangkon sa krimen nga iyang nahimo kay nangawat siyag mga butang sa banay ni Parcon.
Matod niya nga wa siyay tumong sa pagsunog sa balay kay ang iyang plano mao lang unta ang pagsunog sa tanan niyang mga dokumento nga identification human siya mangawat.
Apan si Jamiri mosusi pa sa background ni Soria kay hayan di kini unang higayon niyang gihimo.
Ila usab nga susihon kon wa bay laing biktima si Soria kay hayan mao na kini ang iyang modus, dugang niya.
Matod sa opisyal nga ang pamilya ni Soria sa Talisay City maoy nitabang sa pagpangita kaniya.
Ang bana sab niini mao ang nitabang pagpangita kaniya kay wa silay maayong relasyon.
Hayan pasakaan siyag kasong arson.
Linkback:
https://tubagbohol.mikeligalig.com/index.php?topic=47668.0
