Ni Romeo T. Limpangog (Banat) | Updated September 2, 2015 - 12:00am
CEBU, Philippines – Tag-iya’g tindahan sa dakbayan sa Danao gipatay sa usa ka potot apan armado nga lalaki kaniadtong Lunes sa gabii.
Si SPO3 Ildefonso Prosia sa Danao City Police Station miingon nga si Romeo Seno, 48 anyos, minyo, nahagba atubangan sa iyang tindahan didto sa Barangay Sabang.
Naglingkod ra ang biktima atubangan sa iyang tindahan human sa panihapon diha nga miabot ang lalaki nga gamayon ug gipusil si Seno sa luyong bahin sa iyang ulo.
Ang bala milapos sa suwang nga maoy hinungdan sa diha-diha nga kamatayon sa biktima.
Sa pagdali-dali og biya sa kriminal, nahabilin pa ang usa niini ka sinelas. Wala pa g’yud masuta kun ngano nga gipatay ang biktima ug kun kinsa ang mamumuno. – /RUB) (BANAT NEWS)
Linkback:
https://tubagbohol.mikeligalig.com/index.php?topic=80873.0
Topic: Bag-ohay nanihapon gitangkugo pagpusil sa kalit lang miabot nga lalaking potot (Read 515 times)