SuperBalita Cebu
Ni Dennes R. Tabar
Saturday, May 24, 2014
MAGPAPATIGAYONG' babaye gipusil patay sa dakÂbaÂyan sa Mandaue sa duha ka mga tawo nga nagsakay og motorsiklo samtang laing duha naangol.
Nahitabo kini pasado alas 6 sa gabii niadtong Sabado, ilaÂwom sa flyover sa barangay Maguikay, sa maong siyudad.
Samtang ang biktima giila nga mao si Imelda Tio Yu, 44, minyo, taga barangay Maguikay, anak sa tag-iya sa inilang furniture shop nga Sungold.
Ang nangaangol mao sila si Roger Calumba, 50, minyo, traysikol driver ug Arnel Juanite, 31, ulitawo, pasahero sa traysikol.
Base sa pasiunang imbestigasyon sa mga sakop sa Investigation Detective Management Branch (IDBM), ang biktima nisakay sa traysikol nga gimaniho ni Calumba, uban sa laing pasahero nga si Juanite.
Ang traysikol gikan sa barangay Centro, paingon na sa Maguikay sakay ang biktima.
Kalit lang usa ka motorsiklo nga wa makuha ang plate number nga gisakyan sa duha ka mga tawo, usa niini, nipusil kang Yu.
Si PO1 Jenus Capangpangan nga nahinabi sa Sun.Star Superbalita niingon nga ang target sa pagpamusil mao si Yu.
Apan sa unang pagbuto, wa maigo ang biktima ug ang tuhod ni Juanite nga diha sulod sa traysikol maoy naigo.
Si Yu nga naglingkod sa luyo ni Calumba naigo na sa ika-duhang pagpusil. Naigo si Yu sa dughan samtang ang bala milapos ngadto kang Calumba.
Linkback:
https://tubagbohol.mikeligalig.com/index.php?topic=78378.0
