USA ka babaye nga giingong bugaw ang gipusil sa iyang kustomer human wala magpagamit ang boring kagahapon, pasado alas 5:25 sa buntag.
Ang biktima mao si Maricel Labrado Inggo, 33, usa ka bugaw ug taga Sitio Laray, Barangay InaÂyawan, dakbayan sa Sugbo.
Sumala pa, naglakaw ang biktima kuyog sa iyang kapuyo nga si Renero Kyamko sa nahisgutang dapit dihang duha ka wala mailhing lalake ang kalit nibutho sa ilang luyo nga nagmotorsiklo.
Ang back-rider niini nga armado sa wa matino nga armas ang kalit lang nipusil kang Inggo.
Sa pasiunang imbestigasyon sa Waterfront Police Station 3 sa Cebu City Police Office (CCPO) nga gipanguluhan ni SPO2 Arnold Sialana, ang gunman maoy nakalalis ni alyas Kim, usa ka sex worker.
Ang maong sex worker nga gihatag ni Inggo giiÂngon dili 'magpagamit.'
Giingong gipangayo og balik sa kustomer ang kuwarta nga iyang gibayad kang Inggo apan, wala na kini gibalik sa biktima.
“Nibayad niya wala man nagpagamit,†matod ni PO2 Marlon Gonzales sa Police Station 3.
Napikal ang kustomer hinungdan nga nilakaw kini.
Naigo si Inggo sa luyong bahin sa iyang ulo ug gidala sa iyang mga kauban sa Cebu Adventist Hospital.
Nagpadayon ang imbestigasÂyon ug ang pagpaÂngita sa wa mailhing gunman nga nisibat human sa hitabo.
Katrena A. Cortes, STC - Masscomm intern
Gipatik sa mantalaang Superbalita Cebu Hunyo 13, 2016.
Linkback:
https://tubagbohol.mikeligalig.com/index.php?topic=82365.0
Topic: Babayeng bugaw gibayran na apan boring wa magpagamit, bugaw gipusil sa kustomer (Read 727 times)