NILANDING sa balay tambalanan ang usa ka asawa human gipaso-pasoan sa iyang kapuyo niadtong Domingo mga alas 9:45 sa gabii sa Barangay Mambatangan, Manolo Fortich Bukidnon.
Giila ang biktima nga mao si Julieta Baricuatro, 45, taga P-4, sa susamang dapit.
Gitumbok nga suspetsado ang kapuyo nga giilang si Boyet Lanso, 48.
Gisaysay sa biktima nga nagkalalis sila sa iyang kapuyo niadtong gabhiona dihang kalit lang kini nga nasuko ug dihang nahuptan ang nagbaga nga kahoy gikuha niini gikan sa abuhan ug deretsong gidabdab sa liog ug suwang sa asawa.
Wala makalihok ang asawa tungod sa gibating kasakit ug pagkapaso. Wala pa nakuntento si Lanso, gisipa niini sa tuhod ang biktima.
Nagpatabang ang biktima sa mga silingan hinungdan nga gidala sa balay tambalanan sa dapit.
Apan ang biktima giduso sa Northern Mindanao Medical Center (NMMC) ning siyudad sa Cagayan de Oro tungod sa sobrang paso nga naangkon. - Sun Star Cagayan de Oro
Linkback:
https://tubagbohol.mikeligalig.com/index.php?topic=33031.0
