MikeLigalig.com

Wednesday, January 18, 2012


KAPIN P60mil ang gi-bana-banang kantidad nga nabitbit sa kapuyo niadtong Sabado sa usa ka restaurant sa Nazareth ning siyudad sa Cagayan de Oro.

Mitaho sa Police Station 2 (PS2) sa Cogon si Melanie Calog, 26, taga Camaman-an ning siyudad.

Gisaysay niini sa kapolisan nga nagkaon sila sa iyang kapuyo nga mao si Rico Canada, 40, sa maong kan-anan dihang nagbikil sa storya ug kalit lang mibiya kini sa kan-anan.

Magbayad na unta sa ilang gikaon si Calog dihang namatikdan nga wala na ang iyang bag nga gibutang sa tupad sa bangko nga iyang gilingkuran.

Niini, daling migawas si Calog aron unta apason ang kapuyo apan wala na kini niya masundan pa.

Nasutang kapin P60 mil ang kantidad sa mga butang nga anaa sulod sa bag diin mao ang digital camera nga mokantidad og P8 mil, blackberry phone nga mobalor og P30 mil, tulo ka mga nokia cellphone nga mobalor tanan og P13 mil, pitaka nga adunay sulod kwintas ug cash nga P7 mil.

Buot pasakaan og kaso sa biktima ang iyang kapuyo sa pagkuha sa iyang mga gamit.

Ang kaso giimbestigahan na sa kapolisan ning panahona. (Christine Doliente, Lourdes College intern) -- http://www.sunstar.com.ph/

Paet...

Hmm, di ba kaha pud dihay laing abtik nga maoy misurikbot?

Ka Calog gyud nimo inday  tua hinoon nag shoulder bag na  si Rico,  swerte wala  apila imong high heel..