Ni Romeo T. Limpangog/GMR (Banat) | Updated June 4, 2015 - 12:00am
CEBU, Philippines - Gibalhug sa detention cell sa Presinto 3 sa Mandaue City Police Office (MCPO) ang usa ka babaye nga gireklamo sa tulo ka babaye sa pagpasiugda niini og ilegal nga negosyo ug daku’ng kantidad nga salapi ang nakuha gikan kanila.
Si Police Officer 3 Peter Martinez sa Presinto 3 sa MCPO niila sa suspek nga si Kreestal Klaire Branzuela Flores, 27-anyos, taga sitio Mabugat, barangay Tabok, dakbayan sa Mandaue.
Matud ni Martinez nga ang mga biktima nga nangreklamo mao sila si Jean Mendoro Bastasa, 36, Jacueline Kapaw-an Arriba, 33 ug Mary Rose Guangco Commendador, 36, pulos taga dakbayan sa Mandaue.
Dugang ni Martinez nga nakombinsir sa suspek ang biktima sa pag-invest sa ila’ng kuwarta alang sa dinagku nga delivery sa ila’ng produkto nga Glutathione capsules nga gi-import gikan sa gawas sa nasud.
Mokabat sa P400,000 nga salapi ang na-invest nga kuwarta pinaagi sa Kwarta Padala bugti sa produkto nga ipadala ngadto kanila.
Si Martinez niingon nga nilabay na lang ang daghang mga buwan wala’y Glutathione capsules nga niabot.
Matud ni Martinez nga daghan pa’ng biktima ang nahidangat sa ila’ng buhatan nga may sama’ng reklamo batok sa suspek hinungdan nga kini gidakop ug gikatakda’ng pasakaan og kaso nga large scale estafa batok niini. (BANAT NEWS)
Linkback:
https://tubagbohol.mikeligalig.com/index.php?topic=80127.0
