Ni Sheila C. Gravinez
NA-TRAUMA ang usa ka 6-anyos nga batang laÂlaki nga tinun-an sa Grade I human giingon nga gipapitlan og masking tape ang iyang baba sa iyang magtutudlo sa usa ka pribadong tunghaan sa dakbayan sa Sugbo.
Kahadlok na ang gibati sa bata human sa maong kasinatian sa mismong kamot sa iyang adviser.
Ang bata nga itago lang sa pangan nga DoÂdong nitug-an sa GMA 7 Balitang Bisdak nga wa siya kaginhawa human maapil ang iyang ilong dihang gipapitlan og masking tape ang iyang baba sa iyang magtutudlo.
Tungod sa nahitabo, si Dodong wa na mo-eskwela ug na-trauma na.
Ang iyang inahan niasoy sa samang report nga wa na makapugong ang magÂtutudlo tungod kay diÂli na mopatuo ang iyang anak hinungdan nga nabuhat niini ang pagpapilit og masking tape sa baba sa bata.
“Ingon si Mam kay dili na mopatuo, dili na mosuwat, badlungon mao kunong nabuhat niya,†saysay pa sa inahan sa maong interview.
Ang inahan nidugang nga nasayod na ang teacher sa kahimtang sa iyang anak nga naghambin og sakit sa kasingkasing tungod kay gihatagan ni niya og medical certificate sa iyang anak.
Iyang gitug-an nga gipapahawa na sa tunghaan ang maong magtutudlo gumikan sa nahitabo apan gusto nila nga mabalik kanila ang ilang gibayad nga tuition fee ug mahatagan og certificate of good moral character nga magamit nila sa pag-abli sa sunod klase.
Gipatik sa mantalaang SuperBalita Cebu Oktubre 03, 2012.
Linkback:
https://tubagbohol.mikeligalig.com/index.php?topic=55447.0
