SuperBalita Cebu
Ni Guam P. Logroño
Tuesday, July 1, 2014
OVERSEAS foreign worker (OFW) nadakpan sa kapulisan nga nagdala og armas kay buot niyang mobawos sa iro nga mipaak kaniya niadtong Lunes sa alas 7:20 sa gabii sa may Primavera Subdivision, Barangay Yati, lungsod sa Lilo-an.
Si Rolito Apas, 32, minyo,taga Barangay San Vicente, Liloan, nakuhaag usa ka KG-9 sub-machine pistol nga may napulo ka mga bala sa magazine ug usa ka motorsiklo.
Si SPO1 Brian Batiquin sa Lilo-an Police Station nga nahinabi sa dySS Super Radyo ug Sun.Star Superbalita, nagkanayon nga nakadawat ang ilang buhatan og armed person alarm.
Ang ilang mga kauban naabot sa dapit ug naaktuhan si Apas nga nagbitbit sa KG-9 sub-machine pistol hinungdan nga gipusasan.
Matod ni Batiquin nga si Apas nibutyag nga naglagot siya dihang gihambat sa iro ang iyang walang tiil dihang miagi siya sa may gate sa subdivision padulong mopauli.
Gibutyag niya nga gikan siya sa dakbayan sa Sugbo naglukat sa iyang KG-9 nga giprenda.
“Mikanaog ni siya sa iyang motorsiklo kay rakrakan unta niya ang iro nga mipaak niya.
Pero midagan man. Iyang gigukod hangtod nga napunta sa panimalay,†dugang ni Batiquin.
Dunay nitawag sa police station gumikan sa kahadlok sa armadong tawo nga nagbitbit sa armas.
Matod ni Apas nga kon wa pa siya maapike, iya untang tusaktusakon sa mga bala sa iyang KG-9 ang iro nga nakapaak kaniya.
Kasong illegal possession of firearm ang gihikay sa kapulisan sa Lilo-an nga ipasaka batok kaniya.
Linkback:
https://tubagbohol.mikeligalig.com/index.php?topic=78566.0
