asa man gyuy tinoon ani b..?? kani?
Ni Ria Mae Booc (Banat) | Updated November 10, 2012 - 12:00am
CEBU, Philippines - Walay nahimo ang usa ka bana pagpugong sa usa ka mamumuno nga midul-it pagpusil sa iyang asawa diha mismo sa iyang atubangan samtang ang biktima nanglaba kagahapon sa udto diha sa barangay Tupas, sa lungsod sa Pinamungajan.
Giila sa kapolisan ang biktima nga mao si Felicidad Yamyamin, kinsa nakaangkon og samad pinusilan sa tangkugo gikan sa wala pa matinong kalibre sa armas nga gigamit sa mamumuno.
Gisuwayan unta pagdala sa Carcar Provincial Hospital sa banang si Leonardo si Felicidad apan gideklarar kining patay na.
Si Leonardo mibutyag sa Banat News nga diha ra siya sa luyong bahin sa iyang asawa dihang nahitabo ang pagpamusil.
“Diha gyud ko. Ako untang daganon pero nakapusil na sa iyang luyo,†matud pang Leonardo sa pakighinabi kaniya pinaagi sa telepono.
Wala makaila si Leonardo sa pamayhon sa mamumuno apan nakabantay siyang gikatabi na kini sa ilang silingang ginganlan og Antonio sa wala pa mahitabo ang krimen.
Nagduda ang bana nga personal nga bangi ang motibo sa pagpatay sa iyang asawa sanglit nakaaway sa biktima si Antonio pipila na ka adlaw ang milabay.
“Gibadlong man gud na sa akong asawa nga dili ipatugway ang kanding duol sa maisan kay kan-on…nasuko man na siya unya nanghudlat nga hapakon mi’g hand grenade,†matud pang Leonardo.
Ang kapolisan padayon pang nagpahigayon og imbestigasyon sa maong kaso ug gikatakdang imbitahon si Antonio kabahin sa maong hitabo. (BANAT NEWS)
o kini??
Ginang giatangan, gipusil, namatay
Guam P. Logroño
NAMATAY ang usa ka ginang nga gi-ambush ug gipusil sa wa pa malhing tawo samtang siya naglakaw padulong mopauli sa ilang balay gikan nanglaba kagahapon sa ala 1 sa hapon sa bukirang luÂgar sa Barangay Tupas, lungsod sa Pinamungajan, Sugbo.
Hayan sungi sa yuta ang posibleng motibo, maÂÂtod sa kapulisan.
Si Felisidad Yamyamin, 44, minyo, gideklarar nga dead-on-arrival(DOA) sa Provincial Hospital sa dakbayan sa Carcar.
Ang biktima namatay human wa makaagwanta sa samad pinusilan sa iyang nawong nga milapos sa likod nga bahin sa ulo.
Si PO1 Carlos Barcenas, sakop sa alert team nga nahinabi sa Sun.Star Superbalita, nagkanayon nga sa ilang imbestigasyon, ang biktima gikan nanglaba sa atabay uban sa iyang anak.
Niuli kini og una kay maniudto hinungdan nga gibilin ang iyang 16-anÂyos nga anak lalake sa pagpanglaba.
Apan pipila lang ka metros ang gilay-on gikan sa ilang balay, siya gipusil tumong sa nawong sa gunman nga nag-atang sa agianan.
Gituohang nisuot sa kalibunan ang killer. Mingaw sab ang dapit nga naÂÂÂhitaboan mao nga way nakakita sa pagpamusil.
Ang bana nga si LeoÂnardo, 65, mag-uuma nga nakadungog sa buto, daling nisusi sa dapit ingon man ang mga silingan.
Apan nakit-an ang iyang asawa nga nagbuÂy-od sa dalan nga naglunang sa dugo samtang nagÂkatag ang mga dalang nilabhan.
Human niini, gidala ang biktima sa tambalanan sa dakbayan sa Carcar, apan gideklarar nga DOA.
Matod ni Barcenas nga gipahibawo sila ni kapitan Godofreda Atel sa Barangay Tupas sa pagpamusil.
Dali silang ningresponde sa lugar uban sa iyang mga kauban sa alert team nga sila si PO3 Calexto SaÂÂbellano, PO1 Froilan Velasquez, PO1 Joselito Genon, apan sa ilang pagsuÂÂsi sa crime scene way kabhang nga nakita.
Nagtuo sila nga revolÂver ang gigamit sa gunman.
Gisubay nila ang motiÂbo sa krimen nga may kalambigitan sa bangi sa yuta.
Kini human nisulti ang mga silingan ingon man ni Atel nga ang pamilyang Yamyamin dunay gireklamo sa barangay kalabot sa yuta.
Nagpadayon pa hinuon ang ilang imbestigasyon sa kremin ug mobalik pa sila sa lugar aron estoryahon ang bana.
Linkback:
https://tubagbohol.mikeligalig.com/index.php?topic=56789.0
