Ni Guam P. Logroño
NASIKOP sa kapulisan ang usa sa mga suspek sa pagpusil patay sa usa ka ginang niadtong Biyernes sa hapon sa Barangay Tupas, lungsod sa Pinamungajan, Sugbo
Si Antonio Deopilo 50, minyo, mag-uuma, nagpuyo sa nahisgutang lugar, gipusasan sa kapulisan samtang nanugway sa iyang mga baka kagahapon sa alas 7 sa buntag.
Si PO1 Joselito Genon, sakop sa alert team sa Pinamungajan Police nga nahinabi sa Sun.Star Superbalita, nagkanayon nga si Deopilo maoy gitumbok nga kauban sa mipusil patay kang Felisidad Yamyamin, 44.
Matod niya nga ang bana sa biktima nga si Leonardo, 60, positibong nitudlo kang Deopilo nga maoy kuyog sa gunman nga taas og buhok ingon man ang kapuyo niining nakasibat.
Si Leonardo niduaw sa Pinamungajan Police Station kagahapon sa kadlawon hinungdan nga gisikop gilayon nila si Deopilo, kinsa wa mosukol.
Matod ni Leonardo nga iya pa untang gukdon si Deopilo nga nikaratil sa pagdagan uban sa kapuyo niini ug sa gunman.
Linkback:
https://tubagbohol.mikeligalig.com/index.php?topic=56952.0
