SuperBalita Davao
Tuesday, July 30, 2013
PATAY ang usa ka asawa human gisanggot sa iyang bana ang liog ala 1:30 sa hapon, Sabado, didto sa Purok 3, Sitio Galacia, Barangay Colasas, Paquibato District, ning siyudad.
Ang biktima mao si Evaflor Cabungkal Enad, 47, molupyo sa maong lugar.
Gisaysay sa spot report sa Paquibato Police Station nga mismong ang bana nga si Edilberto, 47, ang misanggot sa liog sa iyang asawa.
Nasayran nga gikan si Edilberto sa uma ug sa iyang paghiabot sa ilang balay, gipangutana sa asawa dayon giaway gumikan kay misumbong ang iyang duha ka mga anak nga alegasyong gilugos sila sa ilang amahan.
Mikuha dayon og sanggot si Edilberto kinsa daling nakaabis sa liog sa biktima duha ka higayon ug diriyot maputol.
Ang pagpatay nasaksihan sa iyang duha ka mga anak sud sa ilang balay.
Hinuon, human sa hitabo nasikop sa purok leader sa dapit ang suspek sa ilang balay mao nga gipriso karon sa Paquibato Police Station.
Gihikay na ang kasong parricide batok sa suspek. (Jeepy P. Compio)
Linkback:
https://tubagbohol.mikeligalig.com/index.php?topic=74284.0
Topic: Asawa gisanggot sa bana giabis ang liog diriyot maputol patay (Read 819 times)