KRITIKAL ang kahimtang sa usa ka bana human niinom og hilo niadtong Domingo mga alas 8:00 sa gabii sa Sto Niño, Barangay 31, ning siyudad sa Cagayan de Oro.
Giila ang biktima nga mao si Dose Norman Grones, 50, minyo, sa susamang dapit kinsa nanglagom ug nawad-an sa panimuot nga nakita sa asawa niini.
Gisaysay sa asawa sa biktima nga aduna siyay gilakaw nga importante niadtong tungora ug sa iyang pag-uli naabtan nga naka-inom ang iyang bana.
Dugang sa asawa nga wala na iyang bana dihang milakaw siya sa puloy-anan kay giingong nag-inom naman kini kuyog ang mga silingan.
Nakurat na lamang ang asawa dihang naabtan nga hubog ug naglasong kini sulod sa puloy-anan.
Wala masayod ang asawa kung unsa ang hinungdan paglasong sa iyang bana apan nagduda ang asawa nga tungod kay dugay siya nakauli niadtong tungora.
Nakurat pag-ayo ang asawa dihang kalit lang kini nawad-an og panimout ug naligid sa salog, nakita niya ang botelya sa hilo nga "malathione" nga maoy giyarok niini. - Sun Star Balita
Linkback:
https://tubagbohol.mikeligalig.com/index.php?topic=35166.0
