Ni JEEPY P. COMPIO
GIDALHA'G marriage contract ug pulis sa bana ang iyang asawa nga nakig-sex sa iyang kabit sa boarding house niini sa Farland Extension, Dacoville, Barangay Dumoy, Talomo District, dakbayan sa Davao, alas syete sa gabii, niadtong Martes.
Ang bana giila lamang sa alyas nga George, 44, residente sa Saypon, Toril Poblacion, ning dakbayan, kinsa nagpa-priso sa iyang asawa ug kabit nga si alyas Roger, 42.
Base sa blotter sa Talomo Police Station, nasayran nga mitaho ang usa ka Mercy (bansagon gitago sa SuperBalita) ngadto kang George human naaktuhan niya nga giremedyo ang kang George nga asawa sa kabit niini.
Mikabad-kabad og punta didto si George kinsa nagdala og marriage contract ug pulis aron ipadakop iyang maluibon nga asawa ug iyang kabit.
Gihupo-hupoan una ni George ug sa mga pulis ang boarding house, naghulat sa aksyon. Pagka-alas noybi sa gabii, tua na, naaktuhan gayud ni George nga ang duha pulos hubo samtang mainitong nagtagay sa lawasnong kalipay inubanan sa pinugngan nga agulo babaw sa kama.
Nahukman ni George nga surprisahon sila sa akto aron maoy kusog nga ebidensya sa iyang pagpasaka og kasong adultery batok sa duha didto sa korte.
Gilayon silang gipailis ug gipangdala sa presinto tres dayon gisulod sa selda. (Uban sa taho ni Erin Lumosbog/DXDC RMN Davao)
Gipatik sa mantalaang Superbalita Davao Hulyo 14, 2016.
Linkback:
https://tubagbohol.mikeligalig.com/index.php?topic=82509.0
Topic: Asawa atol nga nakig-jerjer sa kabit gidalhan og marriage contract sa bana (Read 815 times)