(Banat) | Updated June 6, 2015 - 12:00am
CEBU, Philippines - Patay ang usa ka lalaki human kini gibuk-an sa ulo sa iyang silingan sa Sitio Mahayahay, Barangay Candulawan sa dakbayan sa Talisay pasado alas-7 sa nakalabay nga buntag.
Ang biktima giilang si Ermeraldo Jumuad, 52, minyo, samtang ang suspetsado mao si Wenelito Econas, 41, nga iyang silingan sa maong lugar.
Sa imbestigasyon sa kapulisan sa Talisay City Police nasayran nga sa wala pa nahitabo ang krimen nagkaestoryahay pa ang duha diha sa dapit.
Apan pipila ka minutos kalit lang mibunot og wala pa matinong kalibre nga armas ang suspek ug dayon pusil sa ulo sa biktima.
Human sa hitabo dali sab nga misibat ang suspetsado ug ang biktima gidala sa mga sakop sa Talisay Medical Team sa tambalanan apan nakabsan na gayod kini sa iyang kinabuhi.
Si Police Officer 1 Janeth Marquez ang desk officer sa Talisay City Police nga nahinabi sa Banat News miingon, nigawas sa imbestigasyon nga nagduda ang suspetsado sa biktima nga duna kini relasyon sa iyang kapuyo. Hangtod karon padayon pa nga gipangita sa kapulisan ang suspetsado nga mag- atubang og kaso’ng murder. (Jojo C. Ugdol/EIM)(BANAT NEWS)
Linkback:
https://tubagbohol.mikeligalig.com/index.php?topic=80148.0
