Ni Guam P. Logroño
SuperBalita Cebu
Saturday, May 4, 2013
WA makatiwas sa pagÂsigarilyo ang usa ka tawo human siya giluba ug gipusil sa iyang silingan samtang naglakaw padulong sa ilang balay niadtong Huwebes sa alas 8:30 sa gabii sa Sitio Kalubihan, Barangay Sangat, San Fernando.
Si Mike Rusnel Bacus, 34, minyo namatay sa South General Hospital (SGH) sa dakbayan sa Naga human siya nadangat pipila ka minutos ang nakalabay tuÂngod sa samad pinusilan sa nawong, lawas ingon man dinunggaban sa dughan.
Si PO3 Marjoken Misuari, desk officer sa San Fernando Police nga nahinabi sa Sun.Star Superbalita nagkanayon nga ang biktima gikan nagpalit og sigarilyo ingon man diaper sa iyang anak samtang naglakaw padulong sa ilang balay.
Sa pag-abot niini sa ngitngit nga dapit, giatangan siya sa suspek nga giila nga si Emilito Enad, kinsa daling nisibat ug wa na masikop sa kapulisan.
Ang biktima sa wa pa mamatay nitug-an pa sa iyang asawa sa tambalanan nga ang nagdunggab ug nagpusil kaniya mao si Enad, kinsa iyang gikaaway.
“Mobira gyud ni daw siya kon dunay ikabangi kay maldito ni sa ilang lugar,†dugang ni Misuari.
Linkback:
https://tubagbohol.mikeligalig.com/index.php?topic=72511.0
