MikeLigalig.com

Ni Darrel Carumba (Banat) Updated March 15, 2011 12:00 AM


CEBU, Philippines - Patay diha- diha ang usa ka albularyo human kini tabangi og pusil sa gibana- banang tulo ka kriminal didto sa barangay Arpili, lungsod sa Balamban sa miaging gabii.

Ang biktima mao si Garry Canomay, 33, lumad nga taga Bato, siyudad sa Toledo apan kasamtangang nag-abang og balay sa barangay Arpili, ug usa ka albularyo kon mananambal nga Binisaya.

Si PO3 Julius Obanana sa Balamban Police mibutyag sa Banat News nasabak sa tulo ka bala ang biktima, diin duha sa buko-buko ug usa sa dughan nga maoy nakaingon sa iyang hinanaling kamatayon.

Ang biktima giingong nagsakay sa iyang motorsiklo dihang pag-abot niini sa mingaw nga dapit sa Arpili, nag-atang na kaniyang daan ang mga kriminal dayon gitabangan siya og pusil.

Ang mga nakasaksi mihatod sa biktima ngadto sa Balamban District Hospital diin siya ideklarar nga dead on arrival.

Padayon pang gisuta karon sa kapolisan ang hinungdan sa maong pagpamusil ug ang pag-ila sa mga kriminal. (WC)   - (BANAT NEWS)

kagrabe  sa mga talawan nag-atang ug mabiktima..

Unsa kahay atraso sa biktima, basin dihay gitambalan nga wa matabang...

Diha man toy kanta si Max Surban mahitungod sa "Albularyo" nga buta. Asa naman kaha sila magpa-orasyon nga gitipi naman ang albularyo.

kalooy pod tawon.  kini ra bang albularyo kay usa sa mga vows nila, to keep their gift of healing, is to refrain from the pursuit of wealth.  mao nga kadaghanan pordoy, labi na kadtong mga ngilngig nga linyahan ug mga tawo mao kay wa na silay oras manginabuhi.  naa ra sa ilang mga "pasyente" nga maghunahuna ug donate.  kadaghanan pong pasyente pila ray ma-donate kay mao bitaw nga niadtog albularyo kay way kwarta nga ibayad ug doktor.

mao nga di ko mohunahuna nga highway robbery ni.  dumot ni.

     

kadaghanan albularyo makatagna pod; ingnon na lang natong 'gift of prophecy' for lack of a better term.

sa guadalupe sa cebu city sa una, dihay maayo kaayo nga albularyo nga nag-specialize ug mga problema sa kasingkasing.  usa ka asawa nangayog tabang; aguy, in real time man ang tagna.  matod pa niya, karong orasa, imong bana ania aning lugara kuyog iyang kabit.  sakspan si lover boy wa ka-eeeek.

resulta:  giadto sa banang buringog ang albularyo ug iya kining gitiunan ug pusil.

 

albulayo/manghilot wana kabarog samtang nagtambal / hilot sa pasinting dalaaga kay dunay mituy-od. 

Quote from: Mike Ortega Ligalig on March 19, 2011, 09:26:56 AM
Diha man toy kanta si Max Surban mahitungod sa "Albularyo" nga buta. Asa naman kaha sila magpa-orasyon nga gitipi naman ang albularyo.

haha kini , Mike:

Albularyong Buta Max Surban

Quote from: Mike Ortega Ligalig on March 19, 2011, 09:26:56 AM
Diha man toy kanta si Max Surban mahitungod sa "Albularyo" nga buta. Asa naman kaha sila magpa-orasyon nga gitipi naman ang albularyo.

Hmm. Basin way laing albularyo, unya naay nasuya sa monopoly. Gitipi kay giinteresahan ang negosyo...

Quote from: islander on March 19, 2011, 09:39:36 AM
kalooy pod tawon.  kini ra bang albularyo kay usa sa mga vows nila, to keep their gift of healing, is to refrain from the pursuit of wealth.  mao nga kadaghanan pordoy, labi na kadtong mga ngilngig nga linyahan ug mga tawo mao kay wa na silay oras manginabuhi.  naa ra sa ilang mga "pasyente" nga maghunahuna ug donate.  kadaghanan pong pasyente pila ray ma-donate kay mao bitaw nga niadtog albularyo kay way kwarta nga ibayad ug doktor.

mao nga di ko mohunahuna nga highway robbery ni.  dumot ni.     

Hmm, mao ba? Basin diay ang nagtipi gustong mopuli, not for the money but for the prestige...

Quote from: islander on March 19, 2011, 09:45:16 AM
kadaghanan albularyo makatagna pod; ingnon na lang natong 'gift of prophecy' for lack of a better term.

sa guadalupe sa cebu city sa una, dihay maayo kaayo nga albularyo nga nag-specialize ug mga problema sa kasingkasing.  usa ka asawa nangayog tabang; aguy, in real time man ang tagna.  matod pa niya, karong orasa, imong bana ania aning lugara kuyog iyang kabit.  sakspan si lover boy wa ka-eeeek.

resulta:  giadto sa banang buringog ang albularyo ug iya kining gitiunan ug pusil. 

Tsk, tsk, tsk, klaro jamo ang occupational hazard aning trabahoa...

Quote from: Vistabel on March 19, 2011, 10:01:12 AM
albulayo/manghilot wana kabarog samtang nagtambal / hilot sa pasinting dalaaga kay dunay mituy-od. 

He he, iya na lang pud untang gihilot ang mituy-od...

Quote from: hubag bohol on March 15, 2011, 09:38:57 AM
Si PO3 Julius Obanana sa Balamban Police mibutyag sa Banat News nasabak sa tulo ka bala ang biktima, diin duha sa buko-buko ug usa sa dughan nga maoy nakaingon sa iyang hinanaling kamatayon.

Abi nakog kining mga albularyo naa puy mga kalaki, orasyon o habak nga makapalikay nila sa tanang matang sa kadaotan...