Ni Guam P. Logroño
ADOBONG baboy, giÂÂnabot ug bombilya ang tinubdan sa sunog kagahapon sa hapon nga nakaingon sa pagka-ugdaw sa upat ka mga balay ug nidaot sa laing usa ka balay sa may F. Llamas St., Barangay Punta Princesa, dakbayan sa Sugbo.
Si FO2 Omar Segobia, imbestigador sa Cebu City Fire Department nga nahinabi sa Sun.Star Superbalita, nagkanayon nga mokabat sa P300,000 ang ilang gibana-banang sa danyos.
Sumala Segobia nga ang sunog nagsugod sa Zydene Store nga gipanag-iya ni Gemini ug Julie Mojares, kinsa nag-abang ra usab sa building nga gipanag-iya ni Locresia Meramontes.
Gibutyag niya nga ang duha ka andanang building nga ginama sa mixed materials gipuy-an sa daghang mga tawo.
Ang helper nga si Rey Casido, 23, kinsa nakaangkog 2nd degree burns sa bukton, maoy nagluto sa adobong baÂboy ug ginabot nga baligya sa iyang amo, gawas sa ubang tinda.
Matod pa ni Segobia nga si Casido nitug-an nga samtang siya nagluto sa maong sud-an, suwaw kaayo ang 100 watts nga bombilya nga tungod ug duol ra sa dakong kawa nga nagbukal.
Iyang gitabunan sa karton ang bombilya aron mawala ang kasuwaw niÂini apan wa magdugay nisilaob tungod sa kainit.
Gisuwayan niya sa pagÂÂpawong ang kayo, apan gidakop kini sa nagbukal nga kawa nga puno sa mantika sa abobo ug ginabot hinungdan nga niulbo og maayo ang kayo.
Tungod sa kahagip-ot sa lugar, ingon man ginama lang sa mixed materials ang building, dali kaayong nikatap ang kayo nga miangin sa ubang kabalayan.
“Dili man gud ideal ang ilang lutoanan kay suok kaayo unya sirado. Dili makahungaw hinungdan nga miulbo ang kayo. Iyang (Casido) giÂsabligag tubig, nisamot sa pag-ulbo,†dugang ni Segobia.
Bisan giunsa pagpaÂÂÂÂwong ni Casido, ang kaÂÂyo wa na matabang hinungdan nga napaso siya ug nabulabog ang kahapunon sa maong dapit.
Ila gilayong giisa sa 3rd alarm ang sunog tuÂÂngod sa kadilikado sa luÂÂgar kay ang mga balay ginama lang sa mixed materials.
Samtang ilang nakonÂtrolar ang sunog sulod sa kuwatro minutos hiÂnungÂdan nga wa na kini maÂkaÂangin sa ubang kabalayan.
Hinuon wa sila magÂlisod sa pagkombate sa sunog sanglit ang lugar daplin ra sa karsada samtang dali nga nakaresponde ang bombero sa Labangon.
Apan nasangit gyud hinuon sila sa grabing kaÂhuot sa dagan sa trapiÂko sa may Natalio Bacalso avenue.(Marichel B. Badayog - CNU Intern) --Gipatik sa mantalaang SuperBalita Cebu Abril 28, 2012.
Linkback:
https://tubagbohol.mikeligalig.com/index.php?topic=49851.0
