ANG drayber sa "uso-uso" jeepney nga maoy hinungdan sa pagkamatay sa siyam ug misamad sa 14 ka mga pasahero sa aksidente sa kadalanan niadtong miaging semana, pormal nang gipasakaan og kasong reckless imprudence resulting to homicide and multiple injuries niadtong Lunes.
Si Joel Pilone Recopelacion, 49, nagpuyo sa Dream Land, Barangay Dumoy, gidemanda pinaagi sa summary inquest procedure human niya gibangga ang gimaneho niini nga jeep nga dunay plate number LWJ-710 didto sa Crossing Bago Aplaya sa alas 9:45 sa buntag niadtong Septyembre 24.
Ang kaso nakadoket sa IS # XI-02-INQ-10-I-00942 didto sa City Prosecutor's Office (CPO), Hall of Justice, Ecoland, ning siyudad.
Si Recopelacion maoy nagmaneho sa jeep nga gikan sa Toril Poblacion padulong sa City Proper apan nabangga sa Fuso 10- wheelers truck nga dunay plate number MDS 694 nga gimaneho ni Martin Gayeta Jr., minyo ug nagpuyo sa Napo, Tandag, Surigao del Sur.
Sa maong hitabo, nakabsan sa kinabuhi mao sila Nancy Diaz, 44, nagpuyo sa Manggahan, Toril; Evelyn Rapales, 25, nagpuyo sa Susana Homes, Barangay Sirawan; Analiza Joya, 19, nagpuyo sa Barangay Dalaiao; Zaldy Lorono, 48, nagpuyo sa Punong, Lizada; Jenny Beth Roble, hamtong, nagpuyo sa Punong Lizada; Ruby Jane Roble, 10, nagpuyo sa Punong Lizada; Faustina Roble, 53, nagpuyo sa Punong Lizada, Kenny Jay Samling, 20, nagpuyo sa Crossing Bayabas ug walo ka buwan nga bata nga gisabak ni Jenny Beth.
Samtang gipahiluna ang pagpalubong sa mga nangamatay, padayon sab gitambalan karon sila Annaliza Coquilla, 35; Nyan Gabriel Coquilla, 5; Benny Ann Tabague, 19; Ernesto Avelino, hamtong; April Rose Tion, 17, estudyante sa UIC; Mary Rose Nim, 18, estudyante; Marilene Lorico, 27; Yohan Rasay, 20; Liza Casquejo, 36; John Suaner, 20, estudyante sa UIC; Cristine Ivy Diaz, 16, estudyante sa USeP; Naomi Akamae, 28; ug Ma. Lourdes Limosnero, 37. (AD) - Sun Star
Linkback:
https://tubagbohol.mikeligalig.com/index.php?topic=32520.0
