By RMN Gensan
KAMATAYON SA LIASON OFFICER SA ABU SAYYAF DAKONG KAWAD-ON SA MGA TERORISTA
General Santos City--- Pito na ang natalang patay sa han-ay sa teroristang Abu Sayyaf sulod sa tulo ka adlaw nga operasyon sa militar sa Sulo lakip na ang liason officer sa international ISIS ug abu ayyaf nga si Abu Talha ug ang sub lider sa abu sayyaf nga si Mundi Sawadjaan.
Sumala kang Lt. Gen. Cirilito Sobejana, Commander sa Western Mindanao Command nga ang operasyon batom kang Talha ang resulta sa mas gipakusgang case build-up ug impormasyon gikan mismo sa mga sibilyan.
Dugang pamahayag ni LT.GEN. Sobejana nga ang kamatayon si Abu Talha ang adunay dakong epekto ngadto sa aktibidad sa Abu Sayyaf gumikan nawad-an na matud pa sila ug koneksyon ngadto sa international terrorist.
Kung asa kini maoy nagahatag ug impormasyon sa ISIS ug nagadawat ug financial support gikan sa ilahang mga ka-alyado sa gawas sa nasud.
Si Talha matud pa ang makonsiderang dakong kawad-on sa grupo sa Abu Sayyaf gumikan kini maoy usa sa mga nagatudlo sa mga nasangpit sa paghimo ug bomba.
Kalabot niini, gibutyag ni Lt. Gen. Sobejana nga dako ang papel ni Abu Talha ug sub-leader sa abu sayyaf sa kinatibuk-an nilang operasyon hilabina sa ilahang mga teroristic attack.
Dako ang pagtuo sa opisyal nga human ang sunod-sunod nga operasyon batok abu sayyaf demoralize na ang maong grupo. Usa matud pa kini sa rason nganing adunay daghang miyembro karon sa abu sayyaf ang mibalik na sa sabakan sa gobyerno.
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=91595.0
