MikeLigalig.com

Saturday, September 25, 2010

USA ka 9 anyos nga batang laake napalgang patay nga naglutaw sa usa ka lim-aw sa tubig ug adunay samad sa iyang ulo nga gituohang gibunalan.

Nagtuo ang kapulisan nga gipatay gyud ang bata kay nalupyak man ang ulo niini segun sa resulta sa autopsy sa lawas niini.

Ang biktima giila sa kapulisan nga si Mark Bergabera, taga Sityo Caimitohan, Barangay Basak, dakbayan sa Lapu-Lapu.

Sigun sa imbestigasyon sa kapulisan nga pasado alas 9 kagahapon sa buntag, ang bata nakit-an sa construction site sa may Deca Homes sa maong lugar.

Matod pa sa kapulisan nga ang biktima nag-ubo sa usa ka lim-aw sa tubig ug adunay samad sa ulo agi sa usa ka mahait nga butang.

Si SPO2 Rolito Jumao-as niingon nga ila pang ipa-autopsy ang lawas sa bata aron masusi kon unsay hinungdan sa kamatayon.

Apan kagahapon sa hapon ilang natino nga gipatay gyud ang bata tungod sa pagkalupyak sa ulo niini nga timaan sa pagkaigo sa gahi nga butang.

Ang igsuon sa biktima nga si Clarisa niingon nga pasado alas 8:00 sa gabii niadtong Biyernes iyang nakit-an ang iyang manghod nga gisugo sa nag-inom nga mga panday sa Deca Homes.

Apan natingala na lang sila nga wala na kini makapaui sa iang balay hinungdan nga ila kining gipa-blotter sa barangay hall.

Kagahapon sa buntag nakit-an nalang kining patay ug gisusi na karon sa kapulisan kon si kinsa ang maong mga panday nga nag-inom aron masuta kon wa ba silay kasayuran sa hitabo.

   louya tawon. i hope ilang makaplagan o madakop ang kriminal.

ang angay aning kriminal nga gapatay sa bata...drop him off in the jungles of basilan and let the ABU'S ripped off his head! 

Pagka hayop sa nagbuhat ani nga krimen hinaut
   madakpan ug buk-an sad sa iyang ulo isip bawos.

Addicts kaha tingali ang nakaako pagbuhat sa ingon...

looya gud sa bata... madakpan na unta ang killler then patyon sad the way nga ge unsa niya pagpatay ang bata