Ni Vincie L. Monterde
Saturday, July 23, 2011
NUYBE anyos nga batang babaye gibalikbalikan og lugos sa giisip niyang uyoan sa Barangay Bahay, lungsod sa Sibonga, Cebu.
Ang pagpanglugos nahitabo niadtong tunga-tunga sa Abril dihang ang magtiayon nga nagsagop sa bata nilarga ug sila lang ang nangahibilin.
Ang suspek (ngalan gipugngan una kay wa pay kaso nga gipasaka), 49, mangingisda, igsuon sa lalake nga nagsagop sa biktima.
Ang hepe sa Sibonga police station, Senior Inspector Rolando Evalle, nitug-an sa Sun.Star Superbalita nga ang tinuoray nga inahan sa biktima maoy nihangyo sa kapulisan nga luwason ang bata.
Ang inahan nga toa sa Manila gisumbongan sa iyang anak sa pagpanglugos nga gihimo sa suspek kaniya
.
“Nahitabo nang rape segun sa asoy sa bata nga mid-April na dihang nanglarga sa Mindanao ang nagsagop niya, unya sila rang mga bata ang nahibilin. Kanang suspek igsuon na sa ama-ama sa bata mao magsige na og anha sa ila,†matod ni Evalle.
Ang biktima nga si Jane (gitago ang ngalan), niasoy sa kapulisan nga hayluon siya og P20 sa suspek sa higayon nga hilabtan ug pahigdaon lang sa bangko.
Gipatik sa mantalaang SuperBalita Cebu Hulyo 24, 2011. Linkback:
https://tubagbohol.mikeligalig.com/index.php?topic=42454.0