MikeLigalig.com

Ni JEEPY P. COMPIO


USA ka tiguwang ang nakit-ang nagbitay nga wala nay kinabuhi sud sa kasilyas sa usa ka motel sa dalang San Pedro, dakbayan sa Davao, kinsa nagbilin og suicide note nga di kahadlokan ang iyang patay nga lawas.

Alas 4:20 kagahapon sa kaadlawon, ang attendant sa motel maoy misubay sa kuwarto nga giabangan sa biktima nga si Joe Mercado, 79, nagpuyo sa # 44 Magsaysay Avenue, General Santos City.

Sa impormasyon gikan sa journal sa kapulisan, nasayran nga alas 4:12 sa hapon niadtong Martes, mi-check in ang biktima sa room 125 sa third floor sa motel.

Gisubay na kini sa mga attendant gumikan wa na kini mitubag sa tawag sa telepono gumikan milapas na ang iyang pagtinir sa maong kuwarto.

Sa pag-abli sa attendant, iyang nakita ang biktima sud sa kasilyas nga wa nay kinabuhi. Nagbitay kini gamit ang nylon rope nga gihigot sa liog dayon gipabitay.

Ang Scene of the Crime Operatives (Soco), sa pagpanguna ni Police Senior Inspector Nolan Genova, nakarekober og mga personal nga gamit sa biktima sama sa mga antipara ug usa ka suicide note.

Sa suicide note, nakasaysay nga pasayluon siya sa iyang nahimo, di na sab subayon ang iyang pamilya, idonar ang iyang mga organ, ug di siya angay kahadlokan.

Dugang sa suicide note nga human makuha ang iyang patay nga lawas sa maong lawak, mawala ra ang kahadlok ug mabalik ra gihapon ang operasyon sa negusyo sa motel.

Usa ka lalaki (wa nagpaila) didto gawas sa motel nga naistorya sa SuperBalita nagsulti nga una nisulod ang tiguwang, nakig-istorya kini nga iyang idonar ang iyang kinatawo, kidney ug uban pang parte sa lawas aron mapuslan.

Sa kasamtangan, ang patay nga lawas sa biktima anaa gidala sa morgue sa Angel Funeral Parlor sa dalang Torres ning siyudad.


Gipatik sa mantalaang SuperBalita Davao Septembre 03, 2015.

hahay. mao niy gitawag nga pugoso nga news item. sure, suicide is news, no matter how macabre. pero ang mga pakapin? duda kog ang news reporter ani maoy makadawat sa donated organs da.