MikeLigalig.com

SuperBalita
Ni Guam P. Logroño
Monday, December 8, 2014


USA ka 75-anyos nga retiradong pari gihagbong sa sapa human nisukol sa tulisan niadtong Dominggo sa alas 5:30 sa hapon sa bukirang lugar sa Sitio Dual-og, Barangay Dawis Norte, lungsod sa Carmen.

Si Rev. Fr. Nicolas Peñas Batucan, 75, taga Barangay Kamalig-Bato dakbayan sa Danao, nakaangkog mga bun-og ug garas sa nagkadaiyang parte sa lawas.

Si SPO3 Renerio Macasocol, imbestigador sa Carmen police, nagkanayon nga padayon ang ilang pagsubay sa pag-ila sa drayber sa traysikol.

Sumala sa residente sa nahisgutang lugar nga maoy nihatod kang Rev. Fr. Batucan sa Police station nianang alas 7:30 niadtong gabii human niya nakita nga nanga­yog tabang ang pari.

Matod sa residente, si Fr. Batucan kanunay nga mosuroy sa Barangay Poblacion, Carmen sanglit duna siyay daghang hi­­ga­la sa dapit.

Gibutyag nga gihatod ang pari sa iyang higala sa pagsakay og traysikol niadtong Dominggo sa hapon sa Poblacion paingon unta sa dakbayan sa Danao aron pagpauli.

Linkback: https://tubagbohol.mikeligalig.com/index.php?topic=79364.0

Ang pari mipadayag nga wa siya makamay-ong sa drayber sanglit may pangidaron na kini posibling dili na kaayo maklaro sa panan-aw human hapon na niadtong higayuna.

Ang kapulisan nipahigayon silag hot pursuit operation pero wa na makita ang drayber human maglisod usab sila pag-ila.

Gitinguha nila karon nga kadtong batan-on nga naghatod sa biktimang pari ug ubang tawo nga nakakita didto sa dapit ilang ipa-identify ang drayber.

Matod ni SPO3 Masocol, dunay daghang tray­sikol sa Carfmen ug ubang lungsod ug dakbayan sa Danao nga mosulod sa ilang lugar.

Ang pari nibutyag nagpakiluoy siya aron dili patyon ug wala say kuwarta nga ikahatag.

Nagtuo si SPO3 Ma­socol nga ubos sa gahom sa gidiling drugas ang maong drayber samtang, nagpadayon karon ang ilang imbestigasyon sa maong kaso.

Linkback: https://tubagbohol.mikeligalig.com/index.php?topic=79364.0