MikeLigalig.com

Ni Jojo C. Ugdol (Banat) | Updated July 30, 2014 - 12:00am


CEBU, Philippines - Human sa 14 ka tuig nga pagtago-tago, nasikop ra gyud sa mga operatiba sa Criminal Investigation and Detection Group-7 ang 72-anyos tungod sa kasong pagpalugos.

Nasikop si Romeo Bagan alas 9 kagahapon sa buntag sa barangay Pusok, dakbayan sa Lapu-Lapu pinasikad sa warrant of arrest nga giisyu ni RTC Judge Mario Trinidad sa Negros Oriental.

Sumala pa ni CIDG-7 deputy chief Fermin Armendarez nga ang pagpanglugos nahitabo niadtong 2001 sa La Libertad, Negros Oriental kinsa ang biktima usa ka 14 anyos nga babaye nga nagtrabaho isip katabang sa panimalay sa suspek kinsa misibat ug nitago sa dakbayan sa Lapu-Lapu.

Gihimakak sa suspetsado ang pasangil ug mipasangil hinoon nga ang bata ang naghubo sa iyang sinena ug mihimo sa malaw-ay nga buhat sa iyang atubangan.

Sumala pa ni Armendarez nga natultolan ang gitago-an ni Bagan human usa ka impormante ang nakapahibawo kanila.

Si Bagan gikatakdang dalhon sa Negros Oriental aron atubangon ang iyang kaso. - /GMR) (BANAT NEWS)

Nahikaw-itan ra jud sa hagkot nga gaway sa balaod...