Ni Rey Pasaporte (Banat) Updated March 29, 2011 12:00 AM
CEBU, Philippines - Gipasakaan na og kaso kagahapong adlawa sa kapulisan ang usa ka 65-anyos nga negosyante og mga sakyanan nga gipasanginlang midagit sa usa ka 13-anyos nga batang babaye aron lang makighilawas sulod sa motel.
Sumala pa sa kapolisan pipila sa mga nabiktima sa suspek (pangalan gipugngan) base sa nakuha nilang litrato gikan sa digital camera nga ilang nasakmit gikan niini ang nagsuot pa og uniporme sa ilang mga tunghaan sa high school hangtud nga ang maong mga menor gipa-oral sex ug ang uban nakighilawas.
Ang kapulisan misang-at sa City Prosecutors Office sa kasong Human Trafficking batok sa suspek matud pa ni Insp. Jul Muhammad Jamiri ang luyo-luyong hepe sa City Intelligence Branch (CIB).
Si Jamiri nagkanayon nga nakig-alayon na sila karun sa International Justice Mission ug sa Department of Social Welfare and Development (DSWD) alang sa mga ebidensya nga ilang nahipos gikan sa maong negusyante.
Ang kapolisan nagkanayon nga adunay duha ka menor de edad nga babaye mipirma sa affidavit alang sa pagpasaka sa kaso batok sa suspek.
Ang kapulisan midasig karun sa uban pang posibleng mga batan-ong babaye nga nabiktima sa pagpangabuso sa suspek sa pagbisita sa ilang buhatan aron idugang sa ilang kasong ipasaka.
Si Jamiri mitataw nga ang hulagway nga ilang nakuha gikan sa digital camera sa suspek nagpakita kini nga nag uniporme pa sa ilang tunghaan hangtud nga kini gipahubo ug gipahimo og ‘oral sex’ ug nakighilawas.
Ang suspek gipresentar kagahapon sa mga sakop sa media apan nagdumili kini sa pagluwat og pamahayag kabahin sa pasangil.
Nasikop ang suspek niadtong Sabado sa gabii sa dihang ang plaka sa iyang sakyanan na-report sa barangay hall diha sa barangay Basak San Nicolas kinsa si Kapitan George Rama daling mitawag sa City Intelligence Branch (CIB) human usab ang mga ginikanan sa biktima nangayo og tabang ngadto ni Kapitan Rama human wala na mauli sa ilang balay ang ilang anak.
Ang biktima inabagan sa iyang ginikanan gikatakdang ipailawom sa pag-amuma sa DSWD. (/EIM) (BANATNEWS)
Linkback:
https://tubagbohol.mikeligalig.com/index.php?topic=39604.0
