Author Topic: 60 anyos naglutaw nga wala nay kinabuhi  (Read 669 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
60 anyos naglutaw nga wala nay kinabuhi
« on: January 21, 2011, 02:01:24 PM »
Thursday, January 20, 2011

USA ka patayng lawas nga naglutaw sa dagat ang nakaplagan sa usa ka mananagat niadtong Martes mga alas 12 sa udto sa Barangay Baluarte, lungsod sa Tagoloan, Misamis Oriental.

Nianang pagkagabii giila ang biktima nga mao si Reynaldo D. Obsioma, 60, taga Tabuod, Barangay Libertad, Misamis Oriental pinaagi sa iyang mga anak.

Nagsul-ob pa og jogging pants nga kolor pula ug brief nga kolor green ang biktima ug wala nay pang-ibabaw nga sinina kinsa gituohang nalumos.

Si Police Officer 3 Woodrow Luang sa Tagoloan Police Station nga nahinabi sa Sun.Star Superbalita niingon nga usa ka mananagat nga mao si Ruel Florez, residente sa susamang barangay ang pauli na sakay sa iyang sakayan dihang nabangalan ang naglutaw nga patayng lawas.

Gibana-banang tulo na ka adlaw ang nilabay gikan namatay ang biktima hinungdan nga gihiktan ni Florez ang tiil niin og pisi ug giguyod aron dad-on sa baybayon.

Pag-abot sa kawas gitawag ni Flores ang atensyon sa mga barangay opisyal hinungdan nga deretsong miresponde apil usab ang kapolisan sa Tagoloan.

Walay bisan usa sa nakisusi nga nakaila niini hinungdan nga dako ilang pagtuong gidagsa lamang sa dapit ang biktima.

Nagtuo ang polis nga posibleng naanod sa baha o nalumos ang biktima labina nasinati ang pagbaha sa pipila ka lungsod ning probinsya.

Gidala ang patayng lawas sa Tagoloan Public Cemetery ug pagkahapon gi-claim ra usab sa mga hingtungdan niini.

Gibutyag sa iyang pamilya nga niadtong Sabado pa nilakaw nga walay pananghid ang biktima ug gihimo nila ang pagpangita dihang wala nakauli pagka gabii nianang adlawa.

Gituohang naligo ug nalumos ang biktima kay wala man sab silay nakita nga mga samad pinusilan o dinunggaban sa lain-laing parte sa lawas niini. (Stephanie V. Berganio)


Gipatik sa mantalaang SuperBalita Cagayan de Oro Enero 21, 2011.



Linkback: https://tubagbohol.mikeligalig.com/index.php?topic=36813.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: 60 anyos naglutaw nga wala nay kinabuhi
« Reply #1 on: January 21, 2011, 02:05:26 PM »
Tsk, tsk, tsk. Delikado jud lagi ning maligo sa dagat nga mag-inusara. Labi na kon medyo edad-edaran na...

Linkback: https://tubagbohol.mikeligalig.com/index.php?topic=36813.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: