MikeLigalig.com

Saturday, April 9, 2011


USA ka lalaki kinsa nasuntokan patay nang nakit-an didto sa Purok 2, Barangay Mangalcal, lungsod sa Carmen, Davao del Norte, Biyernes sa buntag.

Nailhan ang biktima nga mao si Rogelio Lubiano, 60, molupyo sa maong dapit.

Sa report gikan sa Carmen Municipal Police Station nasuta nga pasado alas 6 sa buntag napalgan na lamang nga wa nay kinabuhi ang biktima sulod sa iyang lawak.

Gisumbag matud pa ang biktima sa usa ka Renato Baguhin, 36, molupyo sa Purok 1, Barangay Alejal nianang gabii didto sa maong lugar.

Naigo ang biktima sa iyang ilong ug panga hinungdan nga nahagba.

Pagkabuntag wa na nakamata ang biktima ug naligo na sa iyang kaugalingong dugo sulod sa iyang lawak.

Hinuon, ang suspek nga si Baguhin daling mitahan sa iyang kaugalingon ngadto sa mga otoridad aron atubangon ang salaod nga nahimo. (Marvin Pineda)


Gipatik sa mantalaang SuperBalita Davao Abril 10, 2011.

nagkakusog nag kinumo ning mga tawo sa ato tungod aning pacquiao. hahahahaha

Hmm, naa ba kahay atraso o gipraktisan lang...

Quote from: hubag bohol on April 11, 2011, 05:18:27 AM
Hmm, naa ba kahay atraso o gipraktisan lang...

naay jud toy atraso jud...hinungdan, maoy gipraktisan.

Quote from: glacier_71 on April 11, 2011, 08:20:01 PM
naay jud toy atraso jud...hinungdan, maoy gipraktisan.

Praktisado na diay tingaling daan, o kaha tungod sa atraso gitinuod na lang hinuon...