Uyoan `nasudlan’ og demonyo: brgy. tanod
Ni Guam P. Logroño
Tuesday, May 24, 2011
INGON sa nasudlan og demonyo ang uyoan samtang nagkaon sa atay sa iyang 6-anyos nga pag-umangkon kay nausab na ang tingog niini.
Mao kini ang paghulagway sa usa ka barangay tanod nga nagsud-ong kang Efren Metedios, 29, nga nagkaon sa atay ni Lara Mae Concoles niadtong Lunes sa kadlawon sulod sa balay niini sa Barangay, Villahermosa, Tabuelan, Sugbo.
Matod ni Adonis Montuerto dihang nahinabi sa dySS nga daw nasudlag demonyo si Metedios kay lain na ang tingog niini.
Gani ingon sa alingisig ug nangulitog sa ilang mga dunggan samtang sila nagpaminaw sa gipanulti niini.
“Lami man diay ning imong atay, Day, uy. Maora man og kaymito, tam-is,†kutlo ni Muntuerto sa gisulti ni Metedios.
“Lain iyang tingog dili nato iyaha demonyo na to,†dugang ni Muntuerto.
Ang suspek nadakpan kagahapon sa kadlawon human nipauli kay gitugnaw sa bukid diin siya nagtago-tago tungod sa pagsigig uwan.
Gawas niini gigutom usab ang suspek.
Matod ni SPO3 Christopher Sanchez, deputy chief Investigator sa Tabuelan police nga atol sa pagsikop kang Efren, nangandam na kini sa iyang mga butang aron moikyas.
Niaksyon kini sa pagdagan sa pagkahibaw nga anaa na ang mga pulis apan wan a makadagan ug wa sab mosukol sa dihang gipusasan.
Daghang mga samad sa tuhod ug sa iyang bukton ang suspek atol sa pagsikop.
Nagtuo ang kapulisan nga nasamad ang suspek sa kabatoan sa langob nga iyang gitagoan.
Gidala ang suspek sa Tabuelan Rural Health Center aron matambalan kauban sa iyang paryente ug igsuon.
Gialsa siya tungod kay di na makalakaw.
Matod sa suspek nga nahimo niya ang krimen kay gusto niyang tabangan iyang pag-umangkon nga mahimo nang ungo.
Naluoy siya sa bata apan niaksyon kini og pamaak kaniya hinungdan sa iyang pagtigbas sa wa pa niya ni laplapi ug buliburi og asin aron di na masudlan usab og espiritu.
Apan di gihapon makatuo ang mga kabanay sa suspek kay kini buotan ug mapinanggaon.
Matod sa inahan ni Efren nga si Pablita nisulti pa kini kaniya nga gihigugma siya niini og maayo ingon man ang biktima.
Apan niaksyon na kini og panigbas niya sa dihang wa siya nisugot nga modug ang bata niini.
Ang inahan sa bata nga si Elizabeth Concoles wa sa balay niadtong higayona kay naa sa Poblacion nanginabuhi.
Bisan siya di makatuo sa nabuhat sa iyang maguwang .
Alang kaniya sakit kaayo palandungon ang nahitabo sa iyang bugtong anak nga babaye.
Gibasol niya iyang bana nga si Lito Concoles nga kon wa pa nagbinoang sa ilang panag-uban, di sila magbuwag ug di unta mahitabo ang pagkadisgrasya sa ilang anak.
Samtang si Muntuerto niingon nga gisuwayan nilag dasmag ang pultahan sa balay uban sa laing tanod ug sibilyan apan wa maabli sanglit naka-lock kini.
Nahadlok usab sila sanglit sa iyang paglipot sa balay dunay dalang sundang ang suspek hinungdan nga giseguro nalang nila ang inahang si Pablita nga di mahilabtan.(Pearl Ann Bael, Aires Atuel-CNU Comm Interns Sun.Star Superbalita)
Gipatik sa mantalaang SuperBalita Cebu Mayo 25, 2011. Linkback:
https://tubagbohol.mikeligalig.com/index.php?topic=40989.0
