SuperBalita Cebu
Saturday, May 31, 2014
PATAY ang usa ka lalaki nga gipusil sa wala mailhing tawo samtang nanihapon uban sa iyang higala pasado alas 7:00 sa gabii niadtong Biyernes sa Purok-Tambis Dumpsite, Barangay Umapad, dakbayan sa Mandaue.
Ang biktima giilang si Harold Flores, 39, dunay kapuyo, lumolupyo sa nahisgotang dapit.
Si Police Officer 1 (PO1) Ronnie Padeos nibutyag sa Sun.Star Superbalita nga ang biktima uban sa iyang higala niadto sa usa ka giabandonar nga payag.
Samtang nangaon ang duha, kalit lang usa ka wala mailhing tawo ang nitunga dayon og pusil sa biktima tumong sa iyang ulo.
Ang biktima nga naigo sa ulo namatay dihadiha samtang ang namusil yano ra usab nga nibiya sa lugar.
Ang kuyog sa biktima nga nidagan gumikan sa kahadlok nibutyag ngadto sa mga pulis nga wa siya makaila sa nagpusil apan kon makakita siya niini, makaila siya kay wala magtaptap sa iyang nawong.
Nagtuo ang kapulisan sa Mandaue nga revolver ang gigamit sa pagpusil sanglit wala man silay nakuhang kabhang sa crime scene.
Ang mga pulis wala mosalikway sa posiblidad nga may kalabotan sa gidiling drugas ang nagpaluyong motibo sa krimen. (DRT)
Linkback:
https://tubagbohol.mikeligalig.com/index.php?topic=78438.0
