MikeLigalig.com

Ni Guam P. Logroño
Monday, April 1, 2013


TULO ka mga bata ang nangalumos sa managlahing dapit sa lalawian sa Sugbo atol sa Sabado Santo.

Unang biktima mao si Larry Agudo, 8-anyos, tinun-an sa grade 2 sa Kantubaon Elementary School, ug taga Barangay Kantubaon, lungsod sa Tabuelan.

Napalgan ang bata nga milutaw nga walay kinabuhi mga alas 9:00 sa buntag sa kadagatan sa Sitio Kasimon sa nahisgutang Barangay.

Si PO2 Daryl Rondina, desk officer sa Tabuelan Police nga nahinabi sa Sun.Star Superbalita nagkanayon nga si Agudo, nangaligog dagat uban sa iyang uyoan nga si Jimmy Agudo, ig-agaw’ng si James ug igsuon nga si Len John uban sa mga par­yente.

Apan nataligam-a ang bata nga napunta sa lawom nga bahin sa dagat hinungdan nga nalumos kay dili makahibalo nga molangoy.

Gibutyag niini nga nabatantayan sa iyang uyoan ug sa mga kauban nga nilutaw na ang biktima nga walay kinabuhi hinungdan nga gidiretso nalang sa pagdala sa ilang panimalay.

“Wala nalang nila gidala sa hospital kay wala patay naman gyud,” matod ni Rondina sa Sun.Star Cebu.

Linkback: https://tubagbohol.mikeligalig.com/index.php?topic=71647.0

Una ang gitaho ning mantalaan nga usa ka 10-anyos nga bata ang nalumos sa sapa sa Barangay Magdugo, dakbayan sa Toledo.

Si PO2 Emmanuel Arago sa Toledo City Police Station nagkanayon nga si Hans Cajocson, 10, napalgang nianang alas 2:30 sa hapon niadtong Sabado.

Ang mga kauban sa bata ug kasilinganan sa dapit nidali pagdala sa bata sa ospital apan namatay kini samtang nagapdulong pa sa ospital.

Si Arago nagkanayon nga walay foul play sa hitabo.

“Aksidente lang gyud to. Wala lang mabantayi,” dason niya.

Linkback: https://tubagbohol.mikeligalig.com/index.php?topic=71647.0