KASONG pagpapanglugos ang gisang-at batok sa usa ka amahan nga milugos sa iyang tulo ka mga anak didto sa lungsod sa Jasaan, Misamis Oriental.
Si Tomas (bansagon gipugngan) ang milugos sa iyang tulo ka mga anak nag-edad og 22 anyos, 19 ug 13 anyos na ning panahona.
Unang gibutyag sa suspek nga walay kamatuoran ang mga pasangil batok kaniya apan giangkon ra usab niini ang gihimong pagpanglugos samtang nagtungha pa ang iyang mga anak ug elementarya hangtud nga niabot na lamang sa high school ang mga biktima.
Nakalingkawas ang 22 anyos dihang nanarbaho na kini ning siyudad sa Cagayan de Oro apan mitug-an ang manghod niini sa ayaan sa gihimo sa ilang amahan.
Butyag sa ayaan sa usa ka sibyaan sa radyo dihang unang nagpatabang nga ngil-ad kayo ang gihimo sa kaugalingon nga amahan human makapila ka higayon nga gilugos ang tulo ka mga anak. Gikatahong bulag sa asawa ang suspek ug gibilin ang mga anak sa kostudya sa amahan. - (Stephanie V. Berganio - Sunstar Super Balita)
Linkback:
https://tubagbohol.mikeligalig.com/index.php?topic=29275.0
