MikeLigalig.com

 

Dennes R. Tabar


USA ka 29-anyos nga lalaki ang nagpakamatay kagahapon sa buntag human giingong
nagdumili sa pagpakighilawas kaniya ang iyang kapuyo.

Ang naghikog giila nga si Anecito Castro Gako, nagluhod na sa ilang giabangang balay nga hinimo sa light materials ug iyang liog gihigtan og pisi, ang nakit-ang wala nay kinabuhi pasado alas 6:00 sa buntag sa Purok 3, Sitio Sudtonggan, Barangay Basak, dak­bayan sa Lapu-Lapu.

Si PO1 Jomar Florentino sa Homicide Section sa Lapu-lapu City Police Office niingon nga base sa ilang pasiunang im­bestigasyon, ang insidente nahitabo pasado ala 1:00 sa kaadlawon sa maong adlaw.

Si Gako nikuha sa iyang uyab nga nagtrabaho sa usa ka club nga nahimutang sa samang dapit.

Sa dihang niabot sila sa gipuy-an, ang duha nagkaaway human ang babaye giingong nagdumili pagpakighilawas tungod kay, matod pa, gikapoy sa trabaho.

Samtang ang babaye niuna sa pagkatulog ug gibiyaan ang iyang masuk-anon nga uyab ug sa iyang pagmata mao nalay iyang nakit-an nga patay na ang iyang kapuyo.

Si PO1 Florentino niingon nga gawas sa pagkasuko nga wala makighilawas kaniya ang iyang uyab nagselos usab kini.

Hinuon, ang kapulisan padayon pa sa ilang gihimong imbestigasyon kon wala bay foul play ang maong hitabo.

tsk, tsk tsk....pagkasayang sa kinabuhi nga giusikan..

kapoy gyud labi nag gi table lang sakit sa likod.. hahah

ga palpal lang unta cya oi...

una unta niya gihiktan ang IYAHA aron makaamgo pud siya kung unsay bation kung ang laing ulo niya ang maghikog:'(