Napulo ka Banay sa Tribong Dibabawon, Gipa-ilalom sa Lockdown
Karong adlawa Oktobre 22, 2020 Huwebes 8:00 am ang lokal nga panggamhanan sa lungsod sa San Isidro, pinaagi sa rekomendasyon sa Inter Agency Task Force ug sa Municipal Health Unit, ang atong halandong Mayor Arnel H. Sitoy mipakanaog ug desisyon nga ipa-ilalom sa lockdown ang usa ka compound nga gilangkuban sa napulo (10) ka banay sa Tribong Dibabawon nga nasakop sa Purok Concepcion, Dacudao, San Isidro, Davao del Norte.
Mao kini ang pinaka unang kaso sa lockdown sa komunidad sa Tribong Dibabawon sa lungsod nga gipailalom sa istriktong monitoring, human sa bag-ong kaso sa Covid19 nga natala sa lungsod sumala sa datos sa COVID-19 nga gipagawas sa Provincial Health Office sa Davao del Norte, ang maong bag-ong kaso sakit nga natala gahapong adlawa Oktobre 21, 2020 Miyerkules.
Ang pasyente adunay kaipon nga nagpuyo sa Purok Concepcion, Dakudao, San Isidro sulod sa usa ka komunidad diin sagad nga namuyo dinhi mga lumad sa Tribong Dibabawon nga gitoohang nahimong close contact sa pasyente nga mikabat sa 54 ka personahe sumala sa gipahigayon nga contact tracing activity. Ang mga personahe gikonsiderang mga Persons Under Monitoring (PUM) ug karon hugtanong ginamonitor sa BHERT/MHERT.
Sa maong panghitabo ang atong halandong Mayor Arnel H. Sitoy, uban sa Sangguniang Bayan members sa pakig-alayon sa mga ahensya sa gobyerno, PNP, BFP, AFP, DILG, MDRRMO, Municipal Health Personnel ug Barangay Council sa Dacudao, aktibong nakigtimbayayong aron malampusong mapatuman ang lockdown karong adlawa, uban sa tinguha nga masupportahan ang panginahanglan sa mga residente sa maong komunidad samtang gipa-ilalom sila sa mandatory 14 days quarantine.
Ang maong aksyon usa ka pamaagi aron malikayan ang pagtakboy sa sakit nga dala sa corona virus. Busa sa maka usa ang lokal
nga panggamhanan sa lungsod padayong magahangyo sa matag usa nga padayong makigtambayayong aron makab-ot ang tingoha nga mahimong maluwas ang atong kinabuhi pinaagi sa pagsunod sa minimum health standards aron malikayan ang sakit sama sa pagsuot ug face mask ug face shield, kanunay nga paghugas sa kamot, physical distancing ug pagpuyo sa balay kung dili importante ang paglakaw.
*Work from HOME and launch your own Wordpress blog, business or personal website, or online store at
www.dreamhost.com Yes, FREE Wordpress migration from your existing web host.
START your OWN blog site, business or personal website, or e-commerce store at
www.fastcomet.com - FREE service to transfer your website from your current webhosting provider.
Latest
RSS FeedsLinkback:
https://tubagbohol.mikeligalig.com/index.php?topic=116435.0
