Ni Guam P. Logroño
Saturday, April 23, 2011
TUNGOD sa gugma, usa ka 22-anyos nga lalake naghikog sud sa ilang panimalay niadtong Biyernes Santo sa buntag sa Sitio Makahilaw Barangay Mabuli, lungsod sa Tabogon.
Si Junrey Puyos, 22, nagpuyo sa nahisgotang lugar, naghigot og pisi sa iyang liog diin ang pikas tumoy gihikot sa sagbayan sa ilang panimalay.
Gikataho nga gibuwagan kini sa iyang kapuyo.
Gawas sa problema sa gugma, giingong naguol usab si Puyos tungod sa kawad-on niini sa kinabuhi gumikan sa kakabus.
Si PO3 Jesus Suan, imbestigador sa Tabogon police pinaagi sa text message sa Sun.Star Superbalita, niingon nga wa na kini makaantos sa kakabus ug nahiubos sa iyang kapuyo nga may uyab sa dakbayan sa Mandaue diin nagpa-maid.
Gipatik sa mantalaang SuperBalita Cebu Abril 24, 2011.Linkback:
https://tubagbohol.mikeligalig.com/index.php?topic=40369.0