MikeLigalig.com

SuperBalita Cebu
Ni Flornisa M. Gitgano ug Sheila C. Gravinez
Sunday, August 11, 2013


DUHA ka magsuong dalaga ang namatay human giingong nakakaon sa daut nang delata nga pagkaon sa Barangay Poblacion, lungsod sa Alcoy, Sugbo.

Si Alcoy Mayor Nicomedes De Los Santos nibutyag ang municipal sanitation inspector ni-report nga ang lata sa beef loaf nga gikaon sa magsuon alang sa panihapon dunay taya.

Si Joseph Vincent Delos Santos, municipal sanitation inspector, niingon nga niadtong Agusto 4, ang mga biktima ug ang lain nilang duha ka mga igsuon nangaon og beef loaf sa ilang panihapon.

Matod niya, ang katunga sa loaf ang giprito samtang ang laing katu­nga giluto uban sa batong.

Linkback: https://tubagbohol.mikeligalig.com/index.php?topic=74515.0

Ang ilang kabanay nidala niya sa balay sa kanhi municipal health officer ala 1:00 sa kaadlawon niadtong Agusto 6, aron magpatabang.

Gihatagan siya og dextrose. Apan pipila ka oras ang nakalabay, namatay ang dalagita sa panimay sa doktor.

Duha ka adlaw ang nakalabay human makakaon sa delata nga sud-an, ang maguwang nga babaye ang nahilandig sa Julio Cardinal Rosales Memorial Hospital sa silingang lungsod sa Dalaguete.

Sama sa manghod, nireklamo usab ang maguwang nga nanakit ang iyang tiyan.

Linkback: https://tubagbohol.mikeligalig.com/index.php?topic=74515.0

Si Mayor Nic niingon nga dunay nanggawas nga estorya sa mga sili­ngan sa mga biktima nga giingong giduwaan sila sa mga dautang espiritu.

Wala pay pinal nga resulta sa imbestigasyon kon unsay tinuoray nga hinungdan sa kamatayon sa duha ka mga igsuon.

Si Joseph nidugang nga wala pa nila makompirmar nga ang taya nga nakita sa delata nga beef loaf maoy hinungdan sa kamatayon sa duha.

Ang ngalan sa brand sa delata gipugngan una.

Ang lokal nga kagamhanan sa lungsod sa Alcoy daling nitunol og tabang pinansiyal ngadto sa pamilya sa mga nangamatay.

Linkback: https://tubagbohol.mikeligalig.com/index.php?topic=74515.0

Taya sa lata maoy nakahilo sa pamilya
SuperBalita Cebu
Ni Sheila C. Gravinez
Tuesday, August 13, 2013


HEAVY metal poisoning ang giingong namatyan sa 18 anyos nga maguwang nga babaye sa upat ka managsuon nga nakakaon og delata nga beef loaf sa Barangay Poblacion, lungsod sa Alcoy, Sugbo.

Ang nahibilin nga duha ka mga manghod nga nikaon sab og apil sa beef loaf ang atua na karon sa Manila alang sa toxicology studies, sumala pa ni Dr. Cynthia Genosolango, officer-in-charge sa Integrated Provincial Health Office (IPHO).

Matod niya susihon sa mga tinugyanan sa Rural Health Unit ug Provincial Epidemiological and Surveillance Unit nga nituyo pag-adto sa gipuy-an sa mga biktima, kon “expired” ba ang beefloaf nga ilang nakaon.

Ang lata nga makuha sab nila, ang isumitir ngadto sa hingtungdang ahensiya alang sa himuon nga pakisusi.

Linkback: https://tubagbohol.mikeligalig.com/index.php?topic=74515.0

Si Genosolango, nagtuo nga food poisoning ang namatyan sa duha ka magsuon. Apan ila pang susihon kon unsa nga toxic substance ang nakasud sa ilang lawas.

Ang IPHO nisugyot nga ipa-autopsy ang lawas sa duha nga nangamatay alang sa dugang pakisusi.

Sigun sa report sa sanitary inspector sa Alcoy ngadto kang Genosolango base usab sa testimonya sa iyaan sa mga biktima nga nabantayan nila nga dunay taya sa lata ug sa mismong beef loaf.

“Unya ila lang kuno gi-scrape. Try to scrape it off and then cook and ate the beefloaf,” sugilon sa opisyal ngadto sa mga tigbalita base sa salaysay sa iyaan sa mga biktima.

Linkback: https://tubagbohol.mikeligalig.com/index.php?topic=74515.0

Matod ni NMIS 7 regional technical director Romeo Capa nga maghuwat siya sa opisyal nga report sa meat inspection sa Alcoy.

Kon makompirmar na nila nga tayaan ug expired na ang beef loaf nga nakaon sa mga biktima, iyang ipatawag ang tagdumala sa brand sa beef loaf alang sa tukmang aksiyon nga himuon.

Si Genosolango nipasidaan sa publiko nga kinahanglan intact ang delata, dili taya-on, way lumping ug dili karaan og itsura ang paliton nga delata aron dili madisgrasiya sa pagkaon.




Linkback: https://tubagbohol.mikeligalig.com/index.php?topic=74515.0