(Banat) | Updated May 5, 2013 - 12:00am
CEBU, Philippines - Usa ka 10 -anyos nga bata ang natabunang buhi samtang kritikal ang iyang kaubang hamtong nga lalaki human sila matabuni sa yuta samtang nanguykoy og bas nga ilang gikawot aron unta ibaligya diha sa Sityo Malta, barangay Tinubdan sa lungsod sa San Fernando niadtong alas 5:30 sa miaging buntag.
Ang namatay mao si Jecan Geraldizo, nagpuyo sa maong lugar samtang talandugon ang kahimtang ni Ponciano Alicaway, 31, kinsa kauban sa bata nga nangubkob og balas aron ilang ibaligya.
Matud ni SPO2 Victor Cuyno sa San Fernando Police Station dihang nahinabi sa Banat News nagkalawom na ang lungag nga gikuykoy sa duha ug wala nila mabantayi ang kalit nga pagkatumpag niini.
Linkback:
https://tubagbohol.mikeligalig.com/index.php?topic=72521.0
