Ni Flor V. Querubin
DUHA ka managlahing kaso sa hikog ang natala sa dakbayan sa Mandaue tungod sa gugma.
Labing uwahi nga natala mao ang mabdos nga 19-anyos nga ingon sa nahisama sa sitwasyon sa nabantog na kaayo nga ‘Romeo and Juliet’ nga sinuwat ni Shakespeare.
Ang namatay naila nga si Jenn (ngan gipugngan sa Sun.Star Superbalita), 19, tulo ka buwan nga mabdos ug taga-Purok Tambis, Barangay Casuntingan.
Napalgan siya nga wa nay kinabuhi niadtong Biyernes , alas 4:20 sa hapon.
Sa pasiuang kasayoran nga nasayran gikan sa Homicide Section sa Mandaue City Police Office (MCPO), ng ginikanan sa babaye ug ginikanan sa lalake kinsa maoy amahan (pangalan wa matino) sa iyang gisabak nagkasabot nga buwagon una ang duruha.
Kabalaka sa ginikanan sa manag-uyab mao ang kalinghod pa sa ilang pangidaron ug pulos way pangita hinungdan nga gilagyo ang duha nga gikasakit sa babaye.
Sud sa pipila ka mga adlaw nagmagul-anon ang batan-ong mabdos ug niadtong Biyernes sa hapon nakahukom nga iyang hunoson ang iyang kinabuhi pinaagi sa paggamit sa nylon rope nga gibaat sa window grill sa ilang pansayan dayon gihigot ang pikas tumoy diha sa iyang liog.
Mao nalay nasugat sa panan-aw sa 15 anyos nga manghod babaye sa namatay nga nagbitay na diha sud sa ilang banyo ang iyang maguwang nga wa nay kinabuhi.
Sa laing bahin, gihulagway nga tomboy ang naghigot usab sa iyang liog nga niresulta sa iyang kamatayon.
Ang 5 anyos nga batang babaye nga iyang gibantayan maoy bugtong nakasaksi sa hitabo.
Gikataho nga pangabubho ang hinungdan sa paghikog sa tomboy nga si Flobel Bustillo, 28, adunay kapuyo ug kasamtangang nagpuyo sa Sityo Mahusay, Barangay Subangdaku.
Sigun pa ni P02 Raniel Cartin nga niadtong Huwebes sa alas 2:30 sa hapon sa balay sa amo ni Bustillo sanglit siya maoy binlan sa 5 anyos nga bata sa managtiayong Felix Jumao-as.
Nakurat si Jumao-as nga sa iyang pag-abot gikan sa iyang pagpaninda nagdagan ingon sa nalisang ang iyang anak nga nisugat kaniya diha pa sa kalsada.
Mao nalay iyang namatngunan nga nagluhod ug adunay higot ang liog ni Bustillo ginamit ang liston sa sapatos nga gihigot ra usab sa kisame.
Matod ni Cartin nga sa wala ang hitabo nagkalalis si Bustillo ug ang kapuyo niini nga si Sorayda Abarquez, 23, kawani sa usa ka tunghaan.
Giingong adunay gikaselosan si Bustillo sa gi-alagaran nga tunghaan sa iyang kapuyo nga si Abarquez.
Sa paggikan ni Abarquez paingon sa trabaho, nisaad kini nga mo-resign nalang sa maong tunghaan apan gitawgan nalang siya ug gipahibaw nga patay na ang iyang kapuyo.
Gipatik sa mantalaang Sun.Star Superbalita Cebu sa Hulyo 26, 2010.Linkback:
https://tubagbohol.mikeligalig.com/index.php?topic=30757.0
